Ads 468x60px

.

හිරු TV නැවතත් ඇන ගනී - ටවුන් එකක් දිස්ත්‍රික්කයක් කරයි...

හිරු TV නාලිකාව ආරම්භ කර බොහෝ කාලයක් ගත වන තෙක් ඔවුන් විසින් ප්‍රවෘත්ති විකාශයක් පවත්වාගන ගියේ නෑ. නමුත් මෑත කාලයක සිට රාත්‍රී 7 ට ප්‍රවෘත්ති විකාශයක් ගෙන ඒමට ඔවුන් සැරසුනා.

ඊයේ (30) හිරු TV නිවුස් වලින් වාර්තා කළේ "ඇඹිලිපිටිය දිස්ත්‍රික්කයක් "යනුවෙනි. නමුත් ඇඹිලිපිටිය යනු සබරගමුව පළාතේ රත්නපුර දිස්ත්‍රික්කයේ ඇති තරමක් විශාල නගරයක් පමණි.

ස්වර්ණවාහිනී නාලිකාව විසින් කතන්දර කියනා ආකාරට මෙන් නොව ප්‍රවෘත්තියක් ප්‍රවෘත්තියක් ආකාරයෙන්ම ගෙන ඒමට ඔවුන් කටයුතු යොදන බවයි එහි ප්‍රවෘත්ති අධ්‍යක්ෂකවරයා පසුගියදා සති අන්ත පුවත්පතකට පවසා තිබුනේ. ඔවුන්ගේ පාඨය වන්නේද "කතන්දර නැති හත" යන්නයි.

2007 වසරේ තම්මැන්නාව ප්‍රදේශයට ත්‍රස්තවාදීන් පැමිණි බවට බ්‍රේකින් නිවුස් විකාශය කර ජනතාව කළඹවන ලදැයි පවසමින් හිරු එෆ්.එම් නාලිකාව රජය මඟින් තහනම් කළ අතර පසුව දුමින්ද සිල්වා මංත්‍රීවරයා විසින් ජනාධිපතිවරයාගේ දෑත් ශක්තිමත් කිරීමට සහභාගීවූ නිසා අවලංගු කළ බලපත්‍රය නැවත ලැබුණා.

හිරු TV නාලිකාවේ සභාපති වරයා වන්නේ දුමින්ද සිල්වාගේ සහෝදරයා වන රෙනෝ සිල්වාය. සමබර යැයි කියාගන්නා බොහෝ විද්‍යුත් මාධ්‍යයන් රජයට කඩේ යන යුගයක, මැතිවරණ කාලයේදී තොර තෝංචියක් නැතිව දුමින්ද සිල්වාගේ ගුණ ගායනා ඇසෙන හිරු එෆ් එම් නාලිකාව මෙන් දුමින්දාගමනයෙන් පසුව ඒ ආකාරයේම ප්‍රවෘත්ති විකාශයන් මේ හරහා ගෙනේදෝයි බොහෝ දෙනා සැක පළ කරනවා.

"පැත්ත ගියත් ඇත්ත කියන" යන්න ඔවුන්ගේ පාඨය වුවද එම වැරදි පුවත ප්‍රදර්ශනය කලේ පහත පරිදිය.

2013 ඉඳන් පෝය වෙළෙඳ නිවාඩුටත් කෙලී...

හඡ්ජි දිනය, නබිනායකතුමාගේ උපන්දිනය, රාමසාන් දිනය,වෙළෙඳ නිවාඩු...

තෛපොංගල් දිනය, නත්තල් දිනය වෙළෙඳ නිවාඩු...

මෙම වෙළෙඳ නිවාඩු අනෙකුත් ආගම් සඳහා ලබා දෙන්නේ කෙසේද?

මෙය කාගේ බලපෑමක්‌ මත සිදුවන්නක්‌ද?

රජයේ දින දර්ශනයෙන් පොහොය නිවාඩු දිනය වෙළෙඳ නිවාඩු දිනයක්‌ ලෙස මෙතෙක්‌ නම් කළත් 2013 වර්ෂයේ රජයේ දින දර්ශනයෙන් පොහොය දිනය වෙළෙඳ නිවාඩු දිනයක්‌ ලෙස නම් නොකිරීම බරපතළ වරදක්‌ යෑයි බොදුබල සේනා සංවිධානය පවසනවා.

මේ සම්බන්ධයෙන් එම සංවිධානය නිකුත් කළ නිවේදනයේ මෙසේ ද සඳහන් වෙනවා.

ශ්‍රී ලංකාව ලෝකයේ බෞද්ධයන් විශාල ප්‍රමාණයක්‌ ජීවත් වන එකම රට ලෙස මුළු මහත් ලෝකයා විසින් පිළිගත් මතයකි. සෑම වසරකම අප රට තුළ පුර  පොහෝ දින 12 ක්‌ හෝ 13 ක්‌ යෙදෙන අතර එම සෑම පොහෝ දිනයක්‌ම රජයේ නිවාඩු, බැංකු නිවාඩු සහ වෙළෙඳ නිවාඩු දිනයක්‌ ලෙස සැලකේ. මෙම පිළිවෙත වසර ගණනාවක්‌ තිස්‌සේ ශ්‍රී ලංකාව තුළ ක්‍රියාත්මක වූ අතර එම නිවාඩු රජය විසින් අනුමත කරන ලද නිවාඩු විය.

එහෙත් මෙවර රජය විසින් මුද්‍රණය කරනු ලබන දින දර්ශනයේ සියලු පොහෝ දිනවල පැවැති වෙළෙඳ නිවාඩු අවලංගු කොට ඇත. මෙය රජය විසින් ගත් පියවරක්‌ද? නැත්නම් මෙම දින දර්ශනය මුද්‍රණය කරනු ලබන පුද්ගලයන් විසින් ගත් පියවරක්‌ද?

පොලිසිය කාන්තාවකගේ ඇඳුම් ගලවා පහර දීලා..

කෙස් කළඹෙන් ගෙන ගොස් ඇඳුම් ගලවා නිර්වස්ත්‍ර කරලා...

දෙහිවල පොලිසිය විසින් අත්අඩංගුවට ගනු ලැබූ කාන්තාවක් දෙහිවල පොලිස් ස්ථානය තුලදී නිර්වස්ත්‍ර කර පහරදීම සම්බන්ධව වහාම අධිකරණයට කරුණු දක්වන ලෙස ප්‍රධාන මහේස්ත්‍රාත් නිරෝෂා මහත්මිය විසින් දෙහිවල පොලිස් ස්ථානාධිපතිවරයාට නියෝග කෙරුනා.

දෙහිවල පොලිසිය විසින් අත්අඩංගුවට ගනු ලැබූ කාන්තාවක් හෙරොයින් මිලි ග්රෑම් 260ක් සමග ගල්කිස්ස අධිකරණයට ඉදිරිපත් කල අවස්ථාවේ ඇය විසින් විවෘත අධිකරණයේදී මහේස්ත්‍රාත්වරිය වෙත කරනු ලැබූ පැමිණිල්ලක් සලකා බැලීමෙන් අනතුරුව මෙම නියෝගය නිකුත් කරනු ලැබුවා.

තමන්ව 30 දින දෙහිවල පොලිසිය විසින් අත්අඩංගුවට ගෙන පොලීසියට රැගෙන ගොස් කෙස් කළඹෙන් ගෙන ගොස් ඇඳුම් ගලවා නිර්වස්ත්‍ර කර පහරදුන් බවත් පසුව තමන්ට

බස් රථයක් තුලදී පෝලිමට දුෂණය කල වෛද්‍ය ශිෂ්‍යාව අවසන් ගමන් යයි...

විරෝධතා ඇතිවේ යැයි බියෙන් ආරක්ෂාව තර කරලා...

සෑම ඉන්දියානුවකුම ලැජ්ජා විය යුතුයි... 

නවදිල්ලි නුවරදී ඉකුත් 16 වැනිදා සමූහ දුෂණයකට ලක් වී, බරපතළ තුවාල ලබා, සිංගප්පූරු රෝහලක ප‍්‍රතිකාර ගනිමින් සිටියදී මියගිය 23 හැවිරිදි වෛද්‍ය ශිෂ්‍යාවගේ දේහය, විශේෂ ගුවන් යානයක් යවා ගෙන්වා ගැනීමට ඉන්දීය රජය පෙරේදා (29) රාති‍්‍රයේ කටයුතු කළ අතර ඊයේ (30) ඇගේ අවසන් කටයුතු සිදු කෙරුනා.


දින 13 ක් තිස්සේ මරුවා සමඟ කළ සටනකින් පසු එම වෛද්‍ය ශිෂ්‍යාව මියගියේ පෙරේදා අලූයම 2.45 ට පමණය. 

ඉන්ද්‍රීයයන් අකි‍්‍රය වීමෙන් ඇය මියගිය බවත් උදරයේත්, පෙණහලූවලත්, මොළයේත් ආසාදනයන්ට ලක් ව සිටි ඇය
හෘදයාබාධයකට ද ගොදුරු වූ බවත් සිංගප්පූරුවේ මවුන්ට් එලිසබත් රෝහලේ විශේෂඥ වෛද්‍යවරු ඇගේ මරණය ගැන දුක් මුසු පුවත මාධ්‍ය වෙත නිකුත් කරමින් කියා සිටියා.

තරුණිය අතවරයට සහ පහර කෑමට ලක් වූයේ ඇය ඇගේ පෙම්වතා ද සමඟ රාති‍්‍රයේ බස් රියකින් ගමන් කරද්දීය. ඔවුන් දෙදෙනා ලබන පෙබරවාරි මාසයේ දී විවාහ වීමට අපේක්ෂාවෙන් සිටි බව ද වාර්තා වෙනවා.