skip to main |
skip to sidebar
රෝහලක ප්‍රතිකාර ලබමින් සිටි ටයිටස් තොටවත්ත මහතා මිය යයි
ප්‍රවීණ සිනමාවේදී ටයිටස් තොටවත්ත මහතා අද දින සවස අභාවප්‍රාප්ත වී ඇත.පුද්ගලික රෝහලක ප්‍රතිකාර ලබමින් සිටි ඒ මහතා මිය යන විට 82 වන වියේ පසුවිය.1950 දශකයේ මුල් භාගයේදී ටයිටස් තොටවත්ත මහතා රජයේ චිත්‍රපට සංස්ථාවට එක්වූයේ සිනමා කාර්මික ශිල්පියෙක් ලෙසටය. අනතුරුව 1956 වසරේදී ඉන් ඉවත් වු ඒ මහතා ආචාර්ය ලෙස්ටස් ජේම්ස් පීරිස් මහතාගේ රේඛාව චිත්‍රපටයේ සංස්කරණ ශිල්පියා ලෙස කටයුතු කළේය.
අනතුරුව සිනමා අධ්‍යක්ෂණයට පිවිසි ඒ මහතා අතින් සිනමා නිර්මාණ කිහිපයක්ම අධ්‍යක්ෂණය විය. චණ්ඩියා , කවුද හරි, හාරලක්ෂය, සිහසුන , සාගරිකා, මංගලා, මරුවා සමඟ වාසේ වැනි සිනමා නිර්මාණ ඒ අතරින් ප්‍රධාන තැනක් ගනී.
රූපවාහිනී ක්ෂේත්‍රයේ හඬ කැවීමේ කටයුතු ආරම්භ කළේ ටයිටස් තොටවත්ත මහතා විසිනි. ජාතික රූපවාහිනී නාලිකාවට ‘හාහා හරි හාවා’, ‘දොස්තර හොඳ හිත’, ‘පිස්සු පූසා’ වැනි ජනප්‍රිය කාටූන් වැඩසටහන් නිපදවීමට මුලික වුයේද ටයිටස් තොටවත්ත මහතාය.
