ඔබේ ඇස්
යටත් කළු
වෙලාද..?
එහෙනම්
ප්‍රවේසමෙන්
කළු කුමාරයා
ඔබටත්...?
යක්‍ෂයන් රහසිගතව කාන්තාවන්ට ප්‍රේමකරනවා කියලා ඔයගොල්ලො දන්නවද? මෙහෙම කිව්වම හිතයි ඕව තියෙන්නෙ අබිරහස් පරිවර්තන කතාවල විතරයි. ඇත්තටම කොහෙද යක්කු කාන්තාවන්ට ප්‍රේම කරන්නෙ කියල...
නෑ...මේ කතාව ඇත්ත.
අරුම පුදුම විදියට කාන්තාවන්ට ප්‍රේම කරන යකුන් දෙන්නෙක් ඉන්නවා. එක්කෙනෙක් තමයි තොට යක්‍ෂයා... අනෙක් කෙනා තමයි කවුරුත් දන්න කියන කළුකුමාර යක්‍ෂයා. මේ දෙන්නා කාන්තාවන්ට
ගොඩක් ප්‍රේම කරන යක්කු දෙන්නෙක්ලු... ඒ නිසා තමයි ඒ ගැන අපි කතා කරන්න හිතුවෙ.
යක්‍ෂ බලවේගයන් විවිධාකාර විදියට හඳුන ගන්න පුළුවන්... කවුරුහරි මියගියාම ඒ කෙනා තමන්ගෙ ගෙදරට, දේපළ වස්තුන්ට, නෑ හිත මිතුරන්ට තියෙන ආදරේට ඒ අයට එක එක විදියෙ බලපෑම් කරනවා...
ඒ වගේම ඒ දේවල්වලට ආශාවෙන් මියයන අයම තමයි වැඩිපුරම යක්‍ෂ - ප්‍රේත - භූත වගේ පහත් ආත්මවල ඉපදෙන්නෙත්.... ඉතින් මේ අය කරන විප්‍රකාර දේවල් එක්ක තමයි මේ කතාවන් හැමදේම බැඳෙන්නෙ.
සමහර වෙලාවට මේ යක්‍ෂ ප්‍රේත ආත්ම ජීවත් වෙලා ඉන්න අයට ආවේශ වුණොත් ජීවත් වෙලා ඉන්න අයට සාස්තර කියනවා වගේ දේවල්වලදි උපකාර කරන අවස්ථා දකින්න ලැබෙනවා. ඒ මළගියවුන්ගෙ බලවත්කම යහපත් පැත්තට හරවගෙන.
මේ විදියට මළගිය ඇත්තො ජීවත් වෙලා ඉන්න අයට යහපතක් කරනවා වගේ සමහර වෙලාවල් වලදී තේරුණත්, වැඩිපුරම දකින්න ලැබෙන්නෙ ඔවුන්ගෙන් වෙන කරදර, හිරිහැර විතරයි.... සමහර යක්‍ෂ - ප්‍රේත - භූත කොටස් ජීවත්ව ඉන්න අයගෙන් වින්දනයක් ලබන්න කරන්නෙ ඒ අයගෙ ජීවිත අවුල් කරන එක.
සමහර වෙලාවට මිනිස්සු බය කරල ලෙඩ කරල වින්දනයක් ලබන මේ යක්‍ෂ ප්‍රේත කොටස් අතරින් අද මේ කියන්න යන යක්‍ෂයො දෙන්න වින්දනය ලබන්නෙ වැඩිපුරම ආදරය කරලා.... ඒකත් කාන්තාවන්ට රහසිගතව ප්‍රේම කරලයි.
ඉතින් මේ කාන්තාවන්ට ප්‍රේම කරන කළුකුමාරයා සහ තොට යක්‍ෂයා කාන්තාවන්ට දර්ශනය වෙලා පීඩාවට පත්කරනවට අමතරව නොපෙනෙන්න නොදැනෙන්නත් පීඩාකරන අවස්ථා තියෙනවා.
විවාහ වෙන වයසේ ඉන්න තරුණියන්ට වැඩිපුරම උපද්‍රව කරන යක්‍ෂයා තමයි කළුකුමාරයා....
අවේලාවන්වලදී පාළු ස්ථාන, ගංගා, ඇළ ෙදාළ තියෙන තැන්වල තනියම ඉන්න තරුණියන් මේ කළුකුමාරයාගෙ බැල්මට ගොදුරු වෙනවා... ඒ තමයි කළුකුමාරයා තරුණියන්ගෙ පහස ලබන හැටි.... හැබැයි ඒකෙන් වෙන්නෙ නම් තරුණියො පීඩාවට පත්වෙන එකයි.
ඉතිහාස කතාවල කියැවෙන විදියට නම් කළුකුමාරයා කියල හඳුන් වන්නෙ දෙවොල් දෙවියන් එක්ක ඉන්දියාවෙ ඉඳල ලක්බිමට ආපු පහළොස් හැවිරිදි වියේ හිටපු කුමාරයෙක්. මේ කළුකුමාරයා වැහෙන අය ඒ දෝෂයෙන් මුදා ගන්න කරන්න තියෙන ශාන්තිකර්ම නම් ඒ තරම් ලේසි පහසු ඒව නෙවෙයි.
කාන්තාවන්ට වැඩිපුර ප්‍රේම කරන අනෙක් යක්‍ෂයා, ඒ කියන්නෙ තොට යක්‍ෂයා කාන්තාවන්ට, තරුණියන්ට බැල්ම හෙළන්නෙ ගංගා, ඇළ‍ෙදාළ, නානතොටුපොළවල ඉන්න කොටයි... නිරාවරණය වුණ කාන්තා සිරුරුවලට ලොල් වෙන මේ තොට යක්‍ෂයා කාන්තාවන්ගෙ ජීවිතවලට නරක විදියට බලපෑම් කරනවා.
ඒ නිසා තමයි මේ විදියට ජල ස්නානය කරනකොට, වස්ත්‍ර මාරු කරන කොට, වත්සුණු ආලේප කරනකොට තොට යක්‍ෂයාගෙ බැල්මට ගොදුරු වෙන කාන්තාවන්ගෙ ශරීර වැහැරිලා හුදෙකලා වෙලා නිතර නිතර ලෙඩ වෙන්නෙ...
ඉතින් කොහොමද මේ කළුකුමාර යක්‍ෂයා වැහිලා, කළුකුමාර දෝෂයට ගොදුරු වුණු කාන්තාවක් හරි තරුණියක් හරි හඳුනගන්නෙ? ඒ හරිම ලෙහෙසි වැඩක්. මේ අය ශබ්ද නඟා සිනාසෙනවා. ඒ වගේම ඉක්මනින් කේන්ති ගන්නවා. ඒ විතරක් නෙවෙයි හුදෙකලා වෙනවා.
මේ සේරම කළුකුමාර යක්‍ෂයගෙ බලපෑම්.
මේ කළුකුමාර යක්‍ෂයගෙ සහ තොට යක්‍ෂයාගෙ ප්‍රේමයට හසු වෙන කාන්තාවන්ගෙ විවාහය ප්‍රමාද වෙනවා. ඒකට හේතුව තමයි මේ යක්‍ෂයො දෙන්නම කැමැති නැහැ තරුණියො විවාහ වෙනවට. ඒ වගේම විවාහක කෙනෙක් මේ දෙන්නගෙ රහසිගත ප්‍රේම දැලේ පැටලුණොත් ඒ කාන්තාවට දරුපල හිමි වෙන්නෙ නැහැ.
මේ අනිටු ප්‍රතිඵලවලට කාන්තාවො, තරුණියො ගොදුරු වෙලා කියල පෙන්වන විශේෂ සංකේතයක් තමයි ඒ අයගෙ ඇස් යට කළු වීම. ඒකටත් ලොකු හේතුවක් තියෙනවා. මේ රහසිගත ප්‍රේමයේ භයානකම දේ තියෙන්නෙ එතැන.
තොට යක්‍ෂයයි, කළුකුමාර යක්‍ෂයයි රාත්‍රියෙදී නින්දෙ ඉන්න කාන්තා වන්ට සිහිනෙන් පෙනී පෙනි කාන්තාවන්ගෙ පහස විඳිනවා. මේ විදියට එක එක විදියට කාන්තාවන්ට දර්ශනය වෙන මේ යක්‍ෂයො දෙන්නා ප්‍රේමය මුළාවෙන් ශරීර ස්පර්ශය තුළින් කාන්තාවන් තමන්ගෙ පහස වෙනුවෙන් පොලඹවා ගන්නවා.
ඒක තමයි මේ දෙන්නගෙ භයානකම පරමාර්ථය. ඉතින් යටිසිතේ ලිංගික ආශාව තියෙන කාන්තාවන් මේ යක්‍ෂ ප්‍රේමයට ලෙහෙසියෙන්ම ගොදුරු වෙන්නෙ නින්දෙන්මයි. එතැන ඉඳන් කාන්තාවන්ගෙ කායික සහ මානසික පිරිහීම ආරම්භ වෙනවා.
මේ උවදුරෙන් ඔවුන් මුදා ගන්න, ඒ කියන්නෙ මේ යක්‍ෂයන් දෙදෙනාගෙ ප්‍රේමයෙන් කාන්තාවො ගලවගන්න තොවිල් - පවිල්, ශාන්තිකර්ම, බාර හාර වගේ දේවල්වලින් පුළුවන් වෙනවා. අවිවාහක තරුණියක් නම් කරන්න ඕන හොඳමදේ සුදුසු තරුණයෙක් හොයලා විවාහ කරන එක.
තවත් දේවල් කිහිපයක්ම තියෙනවා.
පිරිමි කෙනෙක් පරිහරණය කරපු ඇඳුමක් මේ ප්‍රේමයට ගොදුරු වුණ කාන්තාවන්ගෙ කොට්ටය යට තියාගෙන නිදා ගත්තම මේ දෝෂය මඟහැරී යනවා. ඒ වගේම කොස්සක් හරි ඉදලක් හරි උඩ යට මාරු කරල ඇඳ ළඟ තිබ්බමත් මේ දෝෂය මඟහැරී යනවා කියල විශ්වාස කරනවා.
ඔය විදියට තරුණියන්ට, කාන්තාවන්ට බලපාන මේ කළු කුමාර - තොට යක්‍ෂ ප්‍රේමය ඇතුළු යක්‍ෂ බන්ධනවලට වර්තමානයේ විවිධාකාර අර්ථකථන සපයනවා. එකක් තමයි සිත, කය සංවරව ආගමික නැඹුරුවෙන් ජීවත් වන අයට මේ උවදුරු බලපාන්නෙ නෑ.
තවත් එකක් තමයි මේ සියලු දේවල් වෙන්නෙ මනස දූෂිත වෙලා ඇතිවෙන අපේක්‍ෂා භංගත්වය. ඒ වගේම කලකිරීම හිස්ටීරියා කියන මානසික ස්වභාවයත් මේකට හේතු වෙනවා.
මේ දේවල්වලට හරි විදියට හොයා බලල හරි විදියට ශාන්තිකර්ම කරල මේ යක්‍ෂ ප්‍රේමයෙන් කාන්තාවන් මුදා ගන්න පුළුවන්. එතකොට මේ රෑට රෑට පාළු තැන්වලදි කළුකුමාරයාටවත්, තොට යක්‍ෂයාටවත් ඕන ඕන විදියට තරුණියො, කාන්තාවො. දෝෂයන්ට හසුවෙන එකක් නැහැ.
ජේ‍යාතිෂවේදී
මතුගම ජයනෙත්ති
.jpg)
