තවමත් දහනම වියේ පසුවන සිසුවියක්. තරගයේ අවසන් පස් දෙනා අතරට තේරුණු ඇය අවසන් මොහොතේදී මිස් ශ්‍රී ලංකා ඉන් ෆ්‍රාන්ස් 2013 කිරුළ හිමි කරගන්නේ සිය සොහොයුරිය දෙවෙනි තැනට පත් කරමින්.
“මම කවදාවත්ම බියුටි කන්ටෙස්ට් එකකට ඉදිරිපත් වෙලා තිබුනේ නැහැ. 2012 මිස් ශ්‍රීලංකා ඉන් ෆ්‍රාන්ස් බැලුවට පස්සේ මටත් ආසාවක්
තිබුනත් මුලදී ඉදිරිපත් වෙන්න මගේ වැඩි කැමැත්තක් තිබුනේ නැහැ.
මගේ අම්මා තමයි ඒ වෙනුවෙන් මාව උනන්දු කලේ. අන්තිමට මම ගියේ එක්ස්පිරියන්ස් එකක් ගන්නත් එක්ක.” දක්ෂ නර්තන ශිල්පිණියක් වන මෙලනි මුල්ම ජයග්‍රහණය සලකුණු කරන්නේ “Miss Talent” ඉසව්වේ කිරුළට හිමිකම් කියමින්.
“මම පුංචි කාලේ ඉදලම ඩාන්සින් වලට ආසයි. අවුරුදු පහළොව වෙන කම්ම සුජීවා විජේසුරිය මිස් ළඟ නැටුම් ඉගෙන ගත්තා. Miss Talent තරගෙට මම ඩාන්ස් දෙකක් කළා. එකක් ලංකාවේ traditionl ඩාන්ස් එකක්.
අනිත් එක බොලිවුඩ් ඇතුළු ඩාන්ස් වර්ග හයක් මික්ස් කරලා එක ඩාන්ස් එකක්. සුජීවා මිස් එක්ක කතා කරලා සහයෝගයෙන් තමයි මේ ඩාන්ස් නිර්මාණය කරගත්තේ. මගේ ජයග්‍රහණයට මිස් ගේ මගපෙන්වීම ගොඩක්ම හේතු වුණා.”
‘මිස් ශ්‍රීලංකා ඉන් ෆ්‍රාන්ස් 2013’ අවසන් වටයේදී කිරුළ වෙනුවෙන් ඇයගේ අනෙකා වනුයේ ඇගේම සොයුරිය වර්ජිනීය.
“ඇත්තටම මම හිතුවේ නැහැ මම ෆයිනල් එයි කියලා. වැඩසටහන මෙහෙයපු සාරංග දිසාසේකර මගෙන් අහපු වෙලාවෙත් මම හිතුවේ වර්ජිනී අක්කා දිනයි කියලා. මේක හරිම ට්‍රිකි ස්ටෝරි එකක් .”
මේ ජග්‍රහණය වගේම මිස් ශ්‍රී ලංකා ඉන් ෆ්‍රාන්ස් වලට සහභාගීවීම මගින් ඇයට ලැබුනේ නැවුම් අත්දැකීම් සම්භාරයක්.
“අපි හැමදෙනාම වැඩ කලේ එකම ෆැමිලි එකක් වගේ. හොඳ ෆ්රෙන්ඩ්ශිප් එකක් තිබුණා. කා අතරත් ආත්ම විස්වාසයක් තිබුණා. ඇත්තටම ඒ වැඩමුළු වලින් අපි ගොඩක් දේවල් ඉගෙන ගත්තා . කණ්ඩායම් විදිහට කොහොමද එකට වැඩ කරන්නේ කියලා .”
පැරිසියේ උපන් මෙලනි ප්‍රංශ භාෂාව මෙන්ම ඉංග්‍රීසි භාෂාවද මනා ලෙස හසුරුවිමටද සමත්ය. මෙවර මිස් ශ්‍රී ලංකා ඉන් ෆ්‍රාන්ස් කිරුළ හිමිවීම ගැන ගැන නම් ඇයට දැනෙන්නේ පුංචි ආඩම්බරයක්.
“මිස් ශ්‍රී ලංකා ඉන් ෆ්‍රාන්ස් කියන ටයිටල් එක ලැබුණු එක ගැන නම් පොඩි ආඩම්බරයක් දැනෙනවා. ප්‍රංශ සමාජයට ශ්‍රී ලංකා සමාජය ගැන ගොඩක් අවබෝධයක් දෙන්න පුළුවන් මේ හරහා. ඒ ගැන ඇත්තටම සතුටුයි. එත් අපිට තනියම ගොඩක් දේවල් ලංකාවට කරන්න නම් අමාරුයි”
ශ්‍රී ලංකාව වෙනුවෙන් යම් දෙයක් කිරීමට ඇය දැනටමත් සැලසුම් සකස් කරමින් සිටිනවා. ඒ ඇගේම සමාගමක්. “මම ඉගෙන ගන්නේ ව්‍යාපාර අධ්‍යනය ඉතින් මම හිතාන ඉන්නේ මගේම සමාගමක් ආරම්භ කරලා ලංකාවේ සංචාරක කරමාන්තය දියුණු කරන්න දායක වෙන්න. ඒ හින්දම මගේ ඉදිරි අවුරුදු කිහිපය ටිකක් බිසී.
මොකද මම හිතාන ඉන්නේ යුනිවර්සිටි එකේ අවුරුදු පහක් කරන දේ බිස්නස් ස්කුල් එකකට ගිහින් අවුරුදු දෙකකින් කරන්න. ඉතින් ඒ වෙනුවෙන් සැහෙන්න කැපවෙලා වැඩ කරන්න වෙනවා ඉදිරි කාලේ.”
ශ්‍රී ලංකික තරුණ තරුණියන් පිළිබඳව එතරම් අත්දැකීමක් නොමැති මෙලනි ලංකාවේ අධ්‍යාපන අවස්ථා තවදුරටත් පුළුල් විය යුතු බව පවසනවා.
“ලංකාවේ සමාජය ගැන මම ගොඩක් දන්නේ නැහැ. එත් මගේ නෑදෑයෝ ඉන්නවා එහෙ. ඒ අය වුනත් උනන්දු වෙන්නේ නැහැ වැඩි දුර ඉගෙන ගන්න. මම නම් හිතන්නේ අධ්‍යපනය ලැබීම තමයි මෝ ඉම්පොර්ටන්ට් කියල. ලංකාව කියන්නේ දියුණු වෙන රටක්.
සමහර විට අපි දන්නේ නැහැ ඉගෙන ගත්තත් ජොබ්ස් තියෙනවද කියලා. එත් ඒවයේ අවස්ථාවන් හොයාගෙන යන්න ට්‍රයි කරන්න ඕනෙ. ඉන්ටර් නෙට් හරහා බලලා අධ්‍යාපන අවස්ථා ඕනෙ තරම් ලෝකයෙන් හොයා ගන්න පුළුවන් .”
මිස් ශ්‍රීලංකා ඉන් ෆ්‍රාන්ස් 2013 කිරුළ හිමි වීමත් සමග මෙලනිට තවත් අවස්ථාවක් උදාවෙලා තියෙනවා. ඒ යාපනේ සංචාරයකට අවස්ථාවක් ලැබීම.
“පවුලේ හැමෝම එක්ක යාපනේ තල්සෙවන නිවාඩු නිකේතනයේ නිවාඩුවක් ගත කරන්න මට මේ ජයග්‍රහණයත් එක්ක අවස්ථාව ලැබෙනවා. ඉතින් මම හරිම අසාවෙන් ඉන්නේ යාපනේ ඉස්කෝලෙකට ගිහින් එහෙ ළමයිව හමුවෙන්න.
ඔවුන් තවමත් බියෙන් සහ සැකෙන් ඉන්නේ කියල මට හිතෙන්නේ. ඔවුන්ට ආදරය ඕනේ. “යුද්ධය පැවති කාලේ මගේ ප්‍රංශ යාලුවෝ හිතාන හිටියේ මම සිංහල නිසා මටත් ගැටුමක් තියෙනවා කියලා.
ටැමිල් ළමයි කියන්නෙත් ලංකාවේ ළමයි. ඒගොල්ලෝ යුද්ධෙන් හේට් වෙලා ඉන්නේ. යුද්ධය ඉවර වුනාට රටේ තවම ප්‍රශ්ණ හා ගැටුම් ඉවර වෙලා නැහැ. තවම ටෙන්ෂන් එක තියෙනවා. මම දන්නේ නැහැ මොකද කියල.
සංවාද සටහන : අතුල විතානගේ.
සේයා රූ අනුග්‍රහය : පැරිසියේ මීගමු සංවිධානය.
.jpg)
