ජුනි 10 වෙනිදා පැවැත්වෙන මෙම සමරු උත්සවය වෙනුවෙන් මහාචාර්ය සරත්චන්ද්‍රගේ නාට්‍ය නිර්මාණයක් වන 'මනමේ' නාට්‍ය වේදිකාගත කෙරේ.
ජායාරුප ප්‍රදර්ශනයක් සහ මහාචාර්ය සරත්චන්ද්‍රයන් විසින් රචිත ග්‍රන්ථ අළෙවි කුටියක් ද මෙහි සංවිධානය කර තිබේ. මහාචාර්ය ජේ.බී. දිසානායක ,මහාචාර්ය සරත් විජේසුරිය , ලලිතා සරත්චන්ද්‍ර ,සහ
සංස්කෘතික ඇමති ටී.බී. ඒකනායක සහභාගිවන සරත්චන්ද්‍රයන් පිලිබඳ සම්මන්ත්‍රණයකි.
සමරු උත්සවය පස්වරු 3 ට ඇරඹෙන අතර මනමේ නාට්‍ය වේදිකාගත වනුයේ පස්වරු 5 ට පමණය. මිට සමගාමිව ජුනි 14 වෙනිදා "සිංහබාහු' නාට්‍ය වේදිකාගත කෙරෙනු ඇත.
මහාචාර්ය එදිරිවීර සරත්චන්ද්‍රයන්ගේ බාලම දියණිය වන කිසාගෝතමී සරත්චන්ද්‍ර ප්‍රංශයේ ශ්‍රීලංකා තානාපති කාර්යාලයේ සංස්කෘතික නිලධාරිණිය ලෙස කටයුතු කරනු ලබයි.
