ඉන්දියාව සහ ඕස්ටේ‍්‍රලියාව අතර අද ආරම්භ වු බෝඩර් ගවස්කාර් කුසලාන ටෙස්ට් තරගාවලියේ පළමු තරගයේ සමාරම්භක අවස්ථාවේදීත් මියගිය ඕස්ටේ‍්‍රලියානු ක‍්‍රීඩක ෆිල් හියුස් සිහිපත් කෙරුණා.
ෆිල් හියුස් වෙනුවෙන් සැකසුණු විශේෂ විඞීයෝවක් ද ක‍්‍රීඩා පිටියේ දැවැන්ත පුළුල් තිරයක් මත ප‍්‍රදර්ශනය කෙරුණා. ෆිල් හියුස්ගේ ටෙස්ට් හිස්වැස්මේ අංකය වන 408 අංකය ඕස්ටේ‍්‍රලියානු ක‍්‍රීඩකයින් සියලූ
දෙනාගේ කමිසය මත සටහන් කිරීම ද විශේෂත්වයක්.
ෆිල් හියුස්ට ගරු කිරීමක් වශයෙන් අද තරගයේ 13 වැනි ක‍්‍රීඩකයා ලෙස ඔහුගේ නම සටහන් කිරීමට ද ඕස්ටේ‍්‍රලියානු ක‍්‍රිකට් බලධාරීන් කටයුතු කර තිබුණා.
මියගිය ක‍්‍රීඩකයෙකු ක‍්‍රිකට් කණ්ඩායමකට නම් කළ විරල අවස්ථාවක් ලෙස ද මෙය සැලකෙනවා. බවුන්සර් පන්දුවක් හිසේ වැදීමෙන් ෆිල් හියුස් මරණයට පත්වුණේ නොවැම්බර් මස 27 වැනිදායි.
සමාරම්භක අවස්ථාවේදී මියගිය ඕස්ටේ‍්‍රලියානු ක‍්‍රීඩක ෆිල් හියුස් සිහිපත් කෙරුණ ආකාරය.
වීඩියෝව මෙතැනින්
