ඝාතනයට ලක්වු යුවළගේ ගැහැණු දරුවන් දෙදෙනාද සැකකාරිය විසින් රැගෙන ගොස් සිටියදී සොයාගෙන තිබෙනවා. මොවුන් ජා-ඇල ප්රදේශයේදී පොලිසිය විසින් කොටුකරගෙන තිබුනා.
සැකකාර තරුණිය ඝාතනයට ලක්වු ගෙහිමියා සමග නිවසට නුදුරින් වන ලැහැබක මත්පැන් පානය කර ඇති අතර, පසුව පොරවකින් කොටා ඔහුව එම ස්ථානයේ දීම ඝාතනය කොට නිවසට පැමිණ ගෙහිමි කාන්තාවට ද පොරවකින් කොටා නිවස තුළදීම ඝාතනය කර තිබෙනවා.
මෙසේ ඝාතනයට ලක්වූයේ පුල්මුඩේ පොලිස් වසමට අයත් 5 කණුව මහසෙන්පුර ප්රදේශයේ පදිංචි එච්.එම්.සූරියබංඩාර (38) හා එස්.ජීවනී අනුරුද්ධිකා (36) නැමැති අඹු සැමි යුවළකි.
මෙම ඝාතනය සම්බන්ධයෙන් සැක කරන සැකකාරිය එම ප්රදේශයේම පදිංචි රූපිකා දමයන්ති නැමැති 20 හැවිරිදි තරුණියකි. ඇය තරුණියක් වුවද, තරුණයකු ලෙස ලිංගික විපර්යාසයකට ලක්ව සිටි තැනැත්තියක් බවටද රාවයක් තිබෙනවා.
ඇය මත්පැන් හා මත් ද්රව්යවලට මෙන්ම වෙනත් අයථා කටයුතුවලට වැඩි නැඹුරුවක් දක්වා ඇති අයකු බව ප්රදේශවාසීහු පවසනවා.
අදාළ සැකකාරිය ඝාතනයට ලක්වු අඹු සැමි යුවළගේ නිවසේ කාලයක සිට පදිංචිව සිට ඇති අතර, ඝාතනයට ලක්වු අඹු සැමි යුවලගේ 15 හැවිරිදි දියණිය සමඟ සමලිංගික ඇසුරක් පවත්වා ඇති බවට පොලිසියට කරුණු අනාවරණය වී තිබෙනවා.
අඹු සැමි යුවළ ඝාතනය කිරීමෙන් පසු අදාළ තරුණිය ඝාතනයට ලක්වු අඹුසැමි යුවළගේ දියණියන් දෙදෙනා වන 15 හැවිරිදි ඉමාලි ප්රියදර්ශනී හා 8 හැවිරිදි සෙව්වන්දි ප්රියදර්ශනී යන දෙදෙනා රැගෙන ප්රදේශයෙන් පලා ගිය බව සැකකාර තරුණියගේ මව පොලීසියට කියා තිබුනා.
ඒ අනුව ඔවුන් කොටුකර ගැනීමට හැකිවී තිබුනා.
එහි තවත් විස්තර පහතින්