සිරිධම්ම හිමියන්ගේ ජිප් රථයටත් අලාභ හානි කලාලු...
ධර්ම දේශනයක් සදහා ජුලි 01සවස පෝද්දල ප‍්‍රදේශයට ගිය අවස්ථාවේ පහරදීමකට ලක් වූ බවට පූජ්‍ය පිටිදූවේ සිරිධම්ම හිමියන්ගේ අනුගාමිකයන් 4 දෙනෙකු ගාල්ල පොලීසියට පැමිණිලි කර තිබෙනවා.
භික්ෂුන් වහන්සේ 12 නමක් සහ ගිහියන් 20 දෙනෙකු පමණ පහරදීමට සම්බන්ධ වූ බවයි ඒවායේ පැමිණිල්ලේ සදහන් වන්නේ. ඩිජිටල් කැමරා තුනක් පැහැර ගැනුණු බවද පූජ්‍ය පිටිදූවේ සිරිධම්ම හිමියන්ගේ ජිප් රථයට අලාභ කෙරුණු බවද සදහන් වනවා.
පහරදීම සිදුවුයේ පෝද්දලදී වුවත් ගාල්ල පොලීසියට පැමිණිල්ලක් කරනු ලැබුවේ පෝද්දල පැවති නොසන්සුන්තාව නිසා බවද සදහන්.
============== // ==============
පෝද්දල ධර්ම දේශනා කරන්න ගිය සිරිධම්ම හිමිට ගම්වාසින්ගෙන් විරෝධය...
එල්ලවූ දැඩි විරෝධය හේතුවෙන්ම සිරිධම්ම හිමිට හා ආරක්ෂකයන්ට ආපසු හැරී යාමට සිදුවෙයි...
බුදු දහම විකෘති කර ගමේදී දේශනා කිරීමට ඉඩ දෙන්නේ නෑ...
සමාජයේ ආන්දෝලනයක් ඇති කළ චරිතයක් වූ පිටිදූවේ සිරිධම්ම හිමියන් සෝවාන් හා සකෘදාගාමී වූ බව පැවසීම, ටී ෂර්ට් ඇඳන් සිටි ජායාරූප ප්‍රසිද්ධියට පත්වීම, තමන්ගේ ශරීරයේ මහා පුරුෂ ලක්ෂණ ඇති බව පැවසීම ආදිය ඒ අතර ප්‍රධාන වුණා.
නමුත් මේ සියල්ලම උන්වහන්සේ ප්‍රකාශ කළේ හුදෙක් ලාබ ප්‍රසිද්ධිය සඳහා පමණක් බව උන්වහන්සේ විසින්ම පසුගියදා ප්‍රකාශකොට තිබු බව අප වාර්තා කළා.
තමා ඉදිරියට එන විටදී පුද්ගලයන් දමනය වන බව පැවසු පිටිදුවේ සිරිධම්ම නොහොත් සිරි සමන්තබද්‍ර හිමිට අද පෝද්දල කාසිදෙණිය ප්‍රදේශයේදී ජනතා විරෝධය මතුඋනා. ඒ අනුව පොද්දල කාසිදෙණිය ප්‍රදේශයේ සංවිධානය කොට තිබු ධර්ම දේශනාව ඉවත දමා සිරිධම්ම හිමිට එතනින් ඉවත්වීමට සිදු වුයේ නිර්මල බුදු දහම විකෘති කරන්නට බණ දේශනා කිරීමට ඉඩ නොදෙන බව පවසමින්.
මේ සඳහා පෝද්දල ගම්වාසින් හා සංඝයාවහන්සේලා පැමිණ සිටියේ ප්‍රසිද්ධියට පත්කෙරුණු සිරිධම්ම හිමි ඇමරිකාවේදී ටි ෂර්ට් එකක සහිතව ගත් ජායාරූප සහිත පුවරු සමගිනි.
මෙම දේශනාව අද දිනයේ පෝද්දල කාසිදෙනිය දොලගාව වත්තේදී සංවිධානය කොට තිබු අතර ගාල්ල නගරය පුරාම එයට පෙර අලවා තිබු පොස්ටරයකින් කියවුනේ "බුදුන්ගේ සැබෑම දේශනාව" ශ්‍රවනය කිරීමට එදින පැමිණෙන ලෙසයි. එම පෝස්ටරය පහතින් බලන්න.
