ශී‍්‍ර ලංකාවට පැමිණ සිටින ඉන්දීය පාර්ලිමේන්තු නියෝජිතයන්ගෙන් අප ඉල්ලා සිටින්නේ දෙමළ සන්ධානයේ මතය හා ලොව පුරා එල්.ටී.ටී.ඊ. හිතවාදීන් පතුරුවා ඇති මිත්‍යාවන් පසෙකලා උතුරේ දෙමළ ජනයා ගැන පමණක් නොව නැගෙනහිර, බටහිර ආදී ප‍්‍රදේශවල ජීවත්වන දෙමළ ජනයා ගැනද අවධානය යොමුකරන ලෙසය.
එවිට ඔවුනට වැටහීයනු ඇත්තේ සිංහල ජනයා සමග ශී‍්‍ර ලංකා ආණ්ඩුව විසින් ප‍්‍රජාතන්ත‍්‍රවාදීව පාලනය කළ ප‍්‍රදේශවල ජීවත් වූ දෙමළ ජනයාගේ ජීවන තත්වය ලංකාවේ වෙනත් කිසිම ජන කණ්ඩායමක ජීවන තත්වයට වඩා හොඳින් පවතින බවය.
ඔවුන් සෑම ක්‍ෂේත‍්‍රයකම සමාන අයිතිය ඉහළින් භුක්තිවිඳ ඇති බවය. වන්නියේ හා යාපනයේ දෙමළ ජනයාගේ ජීවිත දශක ගණනක් ආපසු ගෙනගොස් ඇත්තේ ශී‍්‍ර ලංකා රජය හෝ සිංහල ජනයා නොව දෙමළ ජාතිවාදය කරපින්නාගත් තමිල්නාඩුවේ ආශිර්වාදය ලබාගෙන ත‍්‍රස්තවාදය කි‍්‍රයාත්මක කළ එල්.ටී.ටී.ඊ. ය ප‍්‍රමුඛ ජාතිවාදී බෙදුම්වාදී ත‍්‍රස්තවාදය බවය.
එමෙන්ම, ඉන්දීය පාර්ලිමේන්තු නියෝජිතයන්ගෙන් අප ඉල්ලා සිටින්නේ උතුරු හා නැගෙනහිර ජනවාර්ගික සංහාරයන් නිසා සිංහල හා මුස්ලිම් ජනයා දස දහසකට වඩා මරා දැමුණු බවයි. ලක්ෂ තුනකට ආසන්න පිරිසක් ගම් බිම්වලින් පලවාහැර ඇති බවය. ඔවුන්ට තවමත් නැවත පදිංචි වීමට දෙමළ සන්ධානය බාදා කරන බවය.
එමෙන්ම, ශී‍්‍ර ලංකාවේ සෙබළුන් 26,000ක් ජීවිත පූජා කළේ ඉන්දියාවේද නිදහස වෙනුවෙන් බව අමතක නොකරන ලෙසද ඉල්ලමු.ඉන්දියාවේ බෙදුම්වාදයන් පවතින කාෂ්මීරය, පන්ජාබය, ඇසෑමය හෝ නාගලන්තය හෝ වෙනත් වාම වාදී ත‍්‍රස්තවාදයන් පවතින ප‍්‍රාන්තවල ජනයාගේ වේදනාවන් අපට වැටහෙන බවද, ශී‍්‍ර ලංකාව කිසිවිටෙක එකී ප‍්‍රශ්නවලට අත පොවා නැති අතර, ඉන්දියාවේ ස්වෛරීත්වය ගරු කර ඇති බවද දන්වමු.
එමෙන්ම ශී‍්‍ර ලංකාව තුළදී කිසිදු ඉන්දීය දේශපාලඥයෙකුට හෝ පුද්ගලයින්ට චේතාන්විත හිරිහැර කරදර සිදු නොවූ බවද, ඉන්දීය සෙබළුන් ඝාතනය කළේද, ඉන්දියාවේදී රජීව් ගාන්ධි තුමා ඝාතනය කළේද දෙමළ බෙදුම්වාදීන් බවද පෙන්වාදෙනු කැමැත්තෙමි.
ඔබගේ ප‍්‍රතිචාරයද එවැනි ධර්මානුකූල කි‍්‍රයාවලියක් වනු ඇතැයි අපි පතන්නෙමු. බුදු දහම ආදියෙන්ද, සංස්කෘතික දායාදවලින්ද ඉන්දියාවෙන් අප පෝෂණය වූවාසේම, අපගේ අනන්‍යතාවයද පසුගිය වසර දහස් ගණනක් පුරා අප රැකගත් බවද, එය ඉදිරියටද සිදුකරන බවටද නැවත ඔබ වෙත අවධාරණය කරමු.”
ඕමල්පේ සෝභිත හිමි
නායක
ජාතික හෙළ උරුමය
