ජූඩෝ මෙට්‌ට
වලින් ඇඳක්
හදාගෙන...
මහනුවර දිස්‌ත්‍රික්‌කයට යාබද දිස්‌ත්‍රික්‌කයක මායිමේ පිහිටි ජනප්‍රිය පාසලක පෙම්වතුන් ජෝඩු 5 ක්‌ කඩිනමින් සූදානම් වූවේ මෙවර පළාත් සභා ඡන්දයට දින කිහිපයක්‌ ඡන්දයට පාසල වසා දැමීමෙන් උපරිම ප්‍රයෝජන ගැනීම සඳහාය. ඒ අනුව ඔවුන් පාසලේ ක්‍රීඩා කාමර යේ දොරට යතුරක්‌ සකසා ගත්තේ ඒ තුළ අවශ්‍ය නිදහස මෙන්ම ජූඩෝ පුහුණු මෙට්‌ට තිබෙන නිසාය.
මෙවර අ.පො.ස. සා/පෙළ විභාගයට පෙනී සිටීමට නියමිතව සිටි මෙම පෙම්වතුන් ජෝඩු 5 මැතිවරණයට පෙර දින ක්‍රීඩා කාමරයට පැමිණ ඩෙස්‌ වලින් වටකොට කුඩා කාමර සකස්‌ කොට ඔවුන්ට වෙන් වූ ලෝකයක සිටියේය.
ඡන්ද මධ්‍යස්‌ථානයක්‌ වූ මෙම පාසල ඒ සඳහා සකස්‌ කිරීමේ වගකීම ප්‍රදේශයේ ග්‍රාම නිලධාරිවරයාට පැවරි තිබුණෙන් මෙම ප්‍රදේශයේ සිටි ග්‍රාම නිලධාරිවරියද පාසල වෙත ඒ සඳහා පැමිණ සිටියාය.
ඡන්දයට පෙරදින පැමිණෙන නිලධාරීන් හට රාත්‍රි නිදාගැනීමට මෙට්‌ට අවශ්‍ය හෙයින් ඒ සඳහා පාසලේ ඇති ජූඩෝ මෙට්‌ට ලබා දිය හැකි නිසා ඇය හා ඇගේ සහායකයන් ක්‍රීඩා කාමරය විවෘත කළේය.
කෙසේ හෝ මෙම සිද්ධිය ගමට මෙන්ම විදුහල්පතිවරයාටද ආරංචි වූ අතර පාසල පටන් ගත් පසු එම පෙම්වතුන් ජෝඩු පහම පාසලෙන් අස්‌කර දැමීමටද සිදුවිය.
තවත් එක්‌ ඡන්ද ප්‍රතිඵලයක්‌ එසේ අවසන් වුවද එම ළමුන් දස දෙනා පාසලේ ඉතා දක්‍ෂ සිසුන් වන බවද මෙවර අ.පො.ස. සා.පෙළ විභාගයේ පාසලේ බලාපොරොත්තුව ඔවුන් බවද, සියලු දෙනා දැන සිටියෙන් මේ ලෙස ඔවුන් ඉවත් කිරීමට සිදුවීම පිළිබඳව බොහෝ දෙනා එතරම් කැමැත්තක්‌ නැති බවද ප්‍රකාශ කරති.
