ටෙලි නාට්‍යය නිලියක් පසුගිය කාලයේ යම් කිසි නීති විරෝධී වෛද්‍ය කටයුත්තක් සඳහා ගිය බවත් ඇයට එම කටයුත්ත සිදු කිරීමට නොහැකි වූ බවත් පසුගිය දිනවල වෙබේ අඩවිවල පළ වී තිබුණා.
තවත් ලිපියකින් කියවුනේ එම නිලිය ඉහත කටයුත්ත කරගත් බවත්ය. එම ලිපියේ වූ එක්තරා රජයේ ඇමතිවරයෙක් සමඟ ඇය සිටින ජායාරූපය පිළිබඳවත්, එම ඇමතිවරයා සමඟ තිබෙන සම්බන්ධය පිළිබඳවත් ඇය ඇගේ කටින්ම පවසා තිබෙන්නේ මෙලෙසින්.
මේ වගේ විවිධ බලපෑම් මට කාලයක සිට ඇති වුණා. නමුත්, ඒ බලපෑම් ඉහළම තත්ත්වෙට ආවේ පසුගිය කාලයෙයි. ඔය බොරු ප්‍රචාර පතුරුවන්නේ කවුද කියලා මම දන්නවා. ඒ වගේම යථා කාලයේ ඒ සම්බන්ධව සුදුසු පියවර ගන්නත් බලා‍පොරොත්තු වෙනවා.
මේ අයගේ අරමුණ වෙලා තියෙන්නේ මගේ පවුල කඩා ඉහිරවීමයි. ඔවුන් ඒකට, මගෙයි මගේ මහත්තයාගෙයි විශ්වාසය බිඳින්න පුළුවන් හැම දෙයක්ම කරනවා. නමුත් ඒ අයට ඒ දේ කරන්න බැහැ. කොහොමත් මේ සිද්ධියෙන් පස්සෙයි මිනිස්සු කියන්නේ කවුද කියලා මම හරියටම දැන ගත්තේ.
එම ඇමැතිවරයා සමග සිටින ඡායාරූප පවා එම වෙබේ අඩවිවල පළකොට තිබුනා.ඒවත් මේ වැඩපිළිවෙළේම කොටසක් තමයි. ඒවා ඔක්කොම අසත්‍ය ප්‍රචාර. හරියට ටෙලි නාට්‍යයක් නිර්මාණය කරනවා වගෙයි ඒ අය මේ කතාවත් නිර්මාණය කරලා තිබුණේ. ඒක කරපු අයම පසුව ඒ ගැන කනගාටුව පළකරලා තිබුණා.
මම නම් ඔය වබේ අඩවි බලන්නේ නැහැ. මම ගැන මේ වගේ දෙයක් සඳහන් කරලා තියනවා කියලා ආරංචි ලැබුණාට පස්සෙයි මමත් ඒක දැක්කේ. කොහොමත් එක්තරා පිරිසක් තමයි ඔය වබේ අඩවි නරඹන්නේ, ඒවාට ප්‍රතිචාර දක්වන්නේ.
ඔය අසත්‍ය ප්‍රචාර පතුරුවන්නේ කවුද කියලා හෙළි කරන්නවත් ඒ අය ගැන වචනයක් කතාකරන්නවත් මම කැමති නැහැ.
