.jpg)
සේයා ඝාතනය සම්බන්ධයෙන් අත්අඩංගුවට ගත් කොණ්‌ඩයා නමැති සැකකරුගේ සොහොයු රාගෙන් ද පැය හැත්තෑදෙකක කාලයක්‌ රඳවා ගෙන ප්‍රශ්න කිරීමට අපරාධ පරීක්‍ෂණ දෙපාර්තමේන්තුව අධිකරණයෙන් පෙරේදා (03 වැනිදා) අවසර ලබාගත්තේය.
මෙම සාහසික ඝාතනය කොණ්‌ඩයා විසින් කළ බවට ඔප්පු කරගත හැකි සාක්‍ෂි කිසිවක්‌ මේ වනතුරු හමු නොවීම මෙම අර්බුදකාරී තත්ත්වයට
හේතු වී තිබෙන බව පොලිස්‌ ආරංචි මාර්ග පවසයි.
සේයා දියණිය ඝාතනය කරනු ලැබුවේ තම සොහොයුරා වන කොණ්‌ඩයා විසින් බවට අපරාධ පරීක්‍ෂණ දෙපාර්තමේන්තුව හමුවේ පාපොච්චාරණය ක්‌ කරනු ලැබුවේ රැඳවුම් නියෝග ලබාගෙන සිටින සොහොයුරා විසිනි.
පොලිසිය කොණ්‌ඩයා අත්අඩංගුවට ගනු ලැබුවේ මේ තොරතුරු පදනම් කරගෙනය. එහෙත් කොණ්‌ඩයාගේ සොහොයුරාගෙන් දීර්ඝ ලෙස ප්‍රශ්න කරගෙන යද්දී ඔහු ලබා දී තිබූ ඇතැම් තොරතුරු ගැටලු සහගත බව රහස්‌ පොලිසියට වැටහී තිබේ.
දැරිය ඝාතනයට මොහුගේද යම් සම්බන්ධතාවක්‌ තිබෙන බවට සැකයක් මතුවී ඇත. ඔහු තම සොහොයුරා වන කොණ්‌ඩයා පාවා දී පොලිසියෙන් ගැලවීමට උත්සාහ කළේද යන්න ගැන ද සැකය මතුවී තිබේ.
කොණ්‌ඩයාගේ සොහොයුරු ද කාන්තාවන් ඇසුරට මෙන්ම විකෘති ලිංගික ක්‍රියාවන්ට දැඩි ඇල්මක්‌ දක්‌වන පුද්ගලයකු බව හෙළි වී තිබේ. විවිධ අපරාධ සම්බන්ධයෙන් මොහුද වසර හයකට ආසන්න කාලයක්‌ බන්ධනාගාරගතව සිටි අයෙකි.
සොහොයුරා සහ කොණ්‌ඩයා බෙම්මුල්ල ප්‍රදේශයේ පදිංචිකරුවන් බවත් ඔවුන් දෙදෙනා කොටදෙණියාවේ සොහොයුරියගේ නිවසට නිතර ආ ගිය දෙදෙනෙක්‌ බවත් හෙළි වී තිබේ.
කොණ්‌ඩයාගේ සොහොයුරා 36 හැවිරිදි වියේ පසුවෙයි. ඔහු මුලින් විවාහ වී සිටි කාන්තාව මේ වන විට විදේශගත වී ඇති බවත් ඉන්පසු විවාහ වූ කාන්තාව ද මොහු අතහැර වෙනම ජීවත්වන බවත් හෙළි වී තිබේ.
දෙවැනි විවාහයේ දියණියක්‌ මේ වන විට විවාහ වී ඇති බවත් බාල දරුවා බිරිඳ සමඟ වෙනම ජීවත්වන බවත් හෙළිකරගෙන ඇති පොලිසිය අත්අඩංගුවට ගන්නා විට මොහු ලිහිනියාගම ගඩොල් පෝරණුවක වැඩ කරමින් සිට ඇති බව ද හෙළි වී ඇත.
කොණ්‌ඩයා විසින් සේයා සදෙව්මි දැරිය ඝාතනය කළ බවට පාපොච්චාරණයක්‌ පසුගිය දිනවල මාධ්‍යයට කර තිබුණේ මෙම සොහොයුරා විසින් කොණ්‌ඩයා තමාට කී බවට පොලිසියට කළ ප්‍රකාශ පදනම් කරගෙනය. එම අපරාධය සැකකාර සොහොයුරා එම අන්දමට සිදුකර කොණ්‌ඩයා පිට පැටවීමට උත්සාහ දරන බවට බරපතළ සැකයක් ඊයේ (04 වැනිදා) වන විට මතුවී තිබිණි.
රහස්‌ පොලිසිය භාරයේ සිටින සැකකාර සොහොයුරා අද (05 වැනිදා) ඩී. එන්. ඒ. (ජාන පරීක්‍ෂණයකට) යොමුකර අධිකරණයට ඉදිරිපත් කිරීමට නියමිතය. රහස්‌ පොලිසිය මේ පිළිබඳව වැඩිදුර විමර්ශන සිදුකරයි.
කොණ්‌ඩයාගේ ඩී.එන්.ඒ. වාර්තාව සූදානම් - සහෝදරයා අද ජාන පරීක්‍ෂණයකට
කොටදෙණියාව බඩල්ගම සේයා සදෙව්මි දැරියගේ ඝාතනය සම්බන්ධ යෙන් සැකපිට අත්අඩංගුවට ගෙන බන්ධනාගාරගත කර සිටින දුනේෂ් ප්‍රියශාන්ත හෙවත් කොණ්‌ඩයා (32) සම්බන්ධයෙන් ලබාගත් ඩී. එන්. ඒ. පරීක්‍ෂණ වාර්තාව 07 වැනිදා පමණ වන විට අධිකරණය වෙත ලබාදීමට කටයුතු කරන බව ජින්ටෙක්‌ ජාන තාක්‍ෂණ ආයතනයේ ජ්‍යෙෂ්ඨ විද්‍යාඥ ආචාර්ය රුවන් ඉලේපෙරුම මහතා ඊයේ (04 වැනිදා) පැවසීය.
කොණ්‌ඩයාගෙන් ලබාගත් රුධිර පරීක්‍ෂණ කටයුතු මේ වන විට අවසන් අදියරේ තිබෙන බවත් පරීක්‍ෂණ අවසන් වූ පසු සකස්‌ කරන රහස්‌ වාර්තාව අධිකරණයට ඉදිරිපත් ඩී.එන්.ඒ. වාර්තාව සූදානම් කිරීමට කටයුතු කරන බව ද හෙතෙම කීය.
මේ සිද්ධිය සම්බන්ධයෙන් රහස්‌ පොලිසියේ රැඳවුම් භාරයේ පසුවන කොණ්‌ඩයාගේ සහෝදරයා වන 36 හැවිරිදි පුද්ගලයා අද (05 වැනිදා) ජාන පරීක්‍ෂණයක්‌ සඳහා ජින්ටෙක්‌ ආයතනයට ඉදිරිපත් කිරීමට නියමිතය.
