වයින්හවුස් හොල්මනක් වෙලාලු

පසුගිය ජූලි මාසයේදී මියගිය ප‍්‍රසිද්ධ ගායිකා ඒමි වයින්හවුස්ගේ හොල්මන ලන්ඩනයේ පිහිටි සිය නිවසේ සිටින බව එංගලන්ත සංගීතඥ පීටර් ඩොහර්ටි පවසන්නේ යැයි සන් පුවත්පත වාර්තා කරයි. වයින්හවුස් ගේ මරණයෙන් පසුව ඇයව කිහිපවරක් දුටු බවත් තවදුරටත් සිය ලන්ඩන් නිවසේ සිටීමට නොහැකි බවත් 32 හැවිරිදි පීටර් සිය මිතුරන් හට පවසා ඇතැයි එහි සඳහන් වේ.මෙම සිද්ධියෙන් බියට පත්වූ පීටර් මේ වන විට ප‍්‍රංශයට ගොස් ඇතැයි ද වාර්තා වේ.වයින්හවුස් මෙන්ම මත්ද්‍රව්‍ය වලට ඇබ්බැහි වූ ගායකයෙකු වන පීටර් හට වයින්හවුස් පෙනී ඇත්තේ මත්ද්‍රව්‍ය ගත් අවස්ථාවකදී බව බොහෝ පුද්ගලයන් පැවසුවද, එසේ නොවන බව පීටර් පවසයි.