මෙලෙස රක්ෂිත බන්ධනාගාරගත කරනු ලැබුවේ වත්තේගම පොලිස් වසමට අයත් ගම්රාවන ප‍්‍රදේශයේ පදිංචිකරුවෙකු වෙන 43 හැවිරිදි තිලක් බණ්ඩාර නැමැති අයෙකි. සැකකරු විසින් තුවාල සිදුකර ඇත්තේ හැට හැවිරිදි සිවු දරු මවක් වන ගම්රාවන පදිංචි බිසෝමැණිකේ නැමැති කතකටය.බරපතළ තුවාල ලබූ වත්තේගම කාන්තාව දිසා රෝහලට ඇතුළත් කිරීමෙන් පසු වැඩිදුර ප‍්‍රතිකාර සඳහා මහනුවර මහ රෝහලට ඇතුළත් කර තිබේ.
මෙම සැකකරු සතුන් ඇති කරන අයෙකු බව පොලිසිය සඳහන් කළේය.සැකකාර තිලක් බණ්ඩාර (පුතා) වෙනුවෙන් පෙනී සිටින නීතිඥ රම්‍යා කාංකානම්ගේ මහත්මිය කරුණු දක්වමින් කියා සිටියේ දින ගණනාවක් නිරාහාරව සිටි එළුවන්ට කෑම ලබාදීම පිණිස ගෙවත්තේ ගසකින් අතු කපන විට මව පැමිණ පොල්ලකින් හිසට පහරදීම නිසා මෙම ගැටුම ඇතිවූ බවයි.
