එහෙත් ඥාණදාර හිමි බීමත්ව රිය පදවා අධිකරණයේ වරද පිලිගෙන දඩ ගෙවලාලූ...
මේ සතියේ දෙරණ 360 වැඩසටහනට සහභාගී වුයේ බොදු බල සේනා සංවිධානයේ මහ ලේකම් පූජ්‍ය ගලබොඩඅත්තේ ඤාණසාර හිමියන්ය. දිල්කා සමන්මලී සමාජ දේශපාලන කතිකාවත මෙහෙයවීය.
එහිදී දිල්කා හරස් විය.
අධිකරණ නඩු වාර්තාවක් ඉදිරිපත් කලේය. චූදිතයා ඤාණසාර හිමිය. වරද නවයකි. බලපත‍්‍ර නොමැතිව අධික බීමතින් රිය පැදවීම ඉන් ප‍්‍රධානය. ඇය මේ සම්බන්ධයෙන් හිමියන්ගෙන් දැඩිව ප‍්‍රශ්ණ කලේය.
ඤාණසාර හිමියන් විවිධ කතා කියමින් කතාව වෙනතක ගෙන යන්නට උත්සාහ කලද දිල්කා අතහැරියේ නැත. ස්වාස නාල පරීක්‍ෂාවෙන් පවා උන් වහන්සේ බීමත්ව සිටි බව නඩු වාර්තාවේ දැක්වෙන් යයි කී විට උන් වහන්සේ බොහෝ හෙම්බත්ව කීවේ දැන් ඊළඟ ප‍්‍රශ්ණයට යමුයි කියාය.
තවත් විටෙක මහමිතව පඤ්ඤාරතන හිමියන්ගේ චෝදනා ගැන ආය විසින් විමසද්දී ඤාණසාර හිමියන්කීවේ එහෙම භික්‍ෂුවක් දන්නේ වත් නැති බවය. විනාඩි දෙකක් යන්නට මත්තෙන් නැවතත් කීවේ පඤ්ඤා රතන හිමියන් හඳුනන බවත් නමුත් උන් වහන්සේ තම සංවිධානයේ විශේෂ විමර්ශණ ඒකකය බාරව කටයුතු නොකල බවත් කීහ.
එහෙත් 2012 දෙසැම්බර් මාසයේදී බොදුබල සේනා මාධ්‍ය සාකච්චාවකදී ඤාණසාර හිමි විසින්ම පඤ්ඤාරතන හිමියන් විශේෂ විමර්ෂණ ඒකක බාරව සිටි බව හඳුන්වා දෙන අයුරු පහත වීඩියෝවෙන් බලන්න.
