මේ පිළිබඳව සොයා බලපු අපිට දැන ගන්නට ලැබුණේ එම තරුණයා අන්තර්ජාලයේ "ස්‌කයිප්" මගින් ලබාගත් එම වීඩියෝ දර්ශන අන්තර් ජාලයට මුදා නොහැරීමට නම් රූපලාවන්‍ය ශිල්පිනියගෙන් රුපියල් ලක්‍ෂ 2 1/2 ක කප්පමක්‌ ඉල්ලූ ඉල්ලා තිබෙන බවයි.
වාර්තා වන පරිදි අපරාධ පරීක්‍ෂණ දෙපාර්තමේන්තුවේ පරිගණක අංශය මගින් අත්අඩංගුවට ගෙන රිමාන්ඩ් භාරයේ සිට ඇප නියම වූ එම තරුණයා වූයේ රාගම මත්තුමගල මීගමුව පාරේ පදිංචි දැඩිගම ආරච්චිගේ චතුරංග ප්‍රභාත් නමැති තරුණයායි.
මෙහි රූපලාවන්‍ය ශිල්පිනිය වූයේ කඳාන පල්ලිය ප්‍රදේශයේ පදිංචිකාරියකි. ඇය රූපලාවන්‍ය ශිල්පයට අමතරව මනාලියන් හැඩගැන්වීම සහ කොණ්‌ඩා මෝස්‌තර සැකසීමද සිදුකරයි.
ඇයට ඒ සඳහා ආයතනයක්‌ ඇත. මෙහි රූපලාවන්‍ය ශිල්පිනියට තරුණයා හමුවී ඇත්තේ "ෆේස්‌බුක්‌" මගිනි. ඔවුන්ගේ ආදරය සහ මිතුදම ලියලද්දී තරුණයා ඇගේ නිරුවත දැකීමට ආශා බවත් එම දර්ශන අන්තර්ජාලයේ "ස්‌කයිප්" මගින් ඔහුට දැකගත හැකි බවත් පවසා තිබෙනවා.
පසුව ඇයට ඇගේ පරිගණකය හමුවේ නිරුවත්ව සිටීමට සැකකරු ආයාචනා කර ඇත. ඇය ඒ අනුව ඔහුගේ ඉල්ලීම ඉටුකළ අවස්‌ථාවේ "ස්‌කයිප්" මගින් යොමුවූ නිරුවත් දර්ශන සැකකරු වීඩියෝ ගත කර තිබෙනවා.
පසුව තරුණයා එම නිරුවත් දර්ශන අඩංගු සංයුක්‌ත තැටියක්‌ රූපලාවන්‍ය ශිල්පිනියට එවා ඇති අතර එම දර්ශන අන්තර් ජාලයට මුදානොහැරීමට නම් සැකකරු රුපියල් ලක්‍ෂ 2 1/2 ක කප්පමක්‌ ඉල්ලූ බව පැමිණිල්ලේ සඳහන් වනවා.
පසුව රූපලාවන්‍ය ශිල්පිනිය තරුණයාට කප්පම් ලබාගැනීමට පැමිණෙන ලෙස දන්වා ඇගේ සැමියාගේ සහ ප්‍රදේශවාසීන්ගේ ආධාරයෙන් සැකකරු අල්ලා පොලිසියට භාරදී තිබෙනවා.
