මේ සඳහා අධිකරණ අමාත්‍යවරයාගේ නිර්දේශ ලබා ගැනීම සඳහා කොළඹ මහාධිකරණයේ ලේඛකාධිවරයාගෙන් එම නඩුවට අදාල ලිපි ගොනුව අධිකරණ අමාත්‍යංශය ඉල්ලා තිබේ. අධිකරණ අමාත්‍යංශයේ සහකාර ලේකම් (නීති) ශාමිණී විජේතුංග මහත්මිය කොළඹ මහාධිකරණයේ ලේඛකාධිකාරී වරයාගෙන් අදාල දඩුවම ලබා දුන් විනිසුරුවරයාගේ නඩු තීන්දුව ද ලිඛිතව ඉල්ලා ඇත.
මෙම මිනීමරුවන් විසින් දෙහිවල හාමර් පෙදෙසේ ඉඩම් කැබැල්ලක් අයිතිකර ගැනීමේ අරමුණින් එකම පවුලේ තිදෙනකු 2003දී මරා දමන ලදී. මෙම විභාග කළ හිටපු මහාධිකරණ විනිසුරු ඩබ්.එම්.පී.බී වරාවැව මහතා තම වසර 28ක තම විනිසුරු දිවියේදී 40,000ක් පමණ නඩු විභාග කර ඇති බවත් මේ තුන් මිනී මැරුම ලංකා ඉතිහාසයේ අමානුෂික ඝාතනයක් බව සඳහන් කරන ලදි.
එසේම තමා තීන්දු දුන්නේ දෙවියන් බුදුන් ඉදිරියේදී පවා කෙලින් සිටගත හැකි අයුරින් යැයිද තම නඩු තීන්දු සියල්ල බුදු දහමට අනුකූල යැයිද අවධාරණය කල විනිසුරු වරාවැව වැරදි තීන්දු ලබාදෙන විනිසුරුවරයන් අපාගත වන බව පවසා සිටියා.
මෙම බිහිසුණු ඝාතන කල හැරිසන් ජයවීර හා කේ.ඩබ්.එෆ්. සුනිල් ශාන්ත යන මිනීමරුවන් කුලී ඝාතකයන් ලෙස ඉදිරි කාලයේදී දේශපාලනික උවමනාවන් මත යොදා ගැනීමේ අපේක්ෂාවෙන් මොවුන්ට මෙලෙස ජනධිපති සමාව ලැබෙන බව ආරංචි මාර්ග වැඩි දුරටත් පවසයි.
- අමිල ගුණරත්න
