2012 දෙසැම්බර් මාසයේදී විවිධවූත් ස්වභාවික විපත්වලට මිහිතලය ගොදුරු වනු ඇතැයි ඕස්ටේ‍්‍රලියානුවෝ තදින්ම විශ්වාසය පළකරනවා. මෙම හේතුමත ඔවුහු මෙවර නත්තලද සැමරීමට තීරණය කර ඇත්තේ නිර්මාංශවයි.
අපි‍්‍රකා මහද්වීපය ලිබියා කාන්තාරය හරහා උතුරේ සිට දකුණටත්, බටහිර සිට නැගෙනහිර දෙසටත්, පැලීයන බවත්, එමෙන්ම ඕස්ටේ‍්‍රලියා මහද්වීපය දෙකඩ වී යන බවත් දැනට විවිධවූත් ස්වභාවික විපත්වලට ගොදුරුවන ක්වින්සිලන්ත ප‍්‍රාන්තයේ ත‍්‍රිකෝණාකාර බිමක් ඉතිරිවෙන බවත් (2012 ඉකුවේෂන් සොල්විඞ් අන්තර්ජාල වෙබ් අඩවිය) පසුගිය කාලය තුළ සිදුවූ දෑ සහ විද්‍යාත්මක කරුණුද ගෙනහැර දක්වමින් කියා සිටිනවා.
ක‍්‍රිස්තියානින් පවසන්නේ බයිබලයේ කිසිදු තැනක නියත වශයෙන්ම ලෝක විනාශය සිදුවන දිනයක්
හෝ වේලාවක් සඳහන්ව නොමැති බවයි. කෙසේ වෙතත් ක‍්‍රිස්තියානින්ගේ අරමුණ වන්නේ එකට එක්වී දෙවියන් ඉදිරියේ යාඥා කිරීමෙන් ඕනෑම විනාශයකින් පෘතුවිය ගළවාගත හැකි බවයි. මෙම මතයේම මුස්ලිම්, හින්දු සහ බෞද්ධයෝද සිටිනවා.
පොළොව රත්වීමේ වේගය වැඩිවීමත් සමග බලවත් රටවල් වල පවතින සිය රසායනික අවි පිපිරීමෙන් විනාශයක් ඇතිවීමට ඇති ඉඩකඩ වැඩිබව තවත් සමහරුන්ගේ මතය වෙනවා.
කෙසේ වුවද, චීන, කාම්බෝජ සහ ශ්‍රී ලාංකික බෞද්ධ භික්ෂූන් පවසා සිටින්නේ ගෞතම බුද්ධශාසනය වසර 5000ක් පවතින බවත්, ඉන් තව වසර 2420ක් ඉතිරිව ඇති බවත්, එම කාලයේ ලෝක විනාශයක් නොවනු ඇති බවත්ය.
