මේ පිළිබඳව සොයා බලපු අපිට දැන ගන්නට ලැබුණේ මෙම දැරියගේ දෙමාපියන් වෙන්වී ඇති අතර මව සමග සහ අක්‌කලා දෙදෙනකු සමග මොවුන් ජීවත්ව තිබෙන බවයි. දැරියගේ අක්‌කලා දෙදෙනා පෞද්ගලික ආයතනවල රැකියාව වශයෙන් යොමු වී තිබෙනවා.
මේ අයට නවාතැන් ගැනීමට කුලී නිවසක්‌ සොයමින් සිටියදී මොහු මැදිහත් වී කුලී නිවසක්‌ සොයා දී තිබෙනවා. ඉන්පසු මොහු විසින් වරින්වර පැමිණ මෙම දැරියව බරපතළ ලෙස ලිංගික අපයෝජනයට
ලක්‌කර තිබෙනවා. පසුව එම දැරිය කුලී නිවසේ සිටීමට නොහැකි බවත් කොහේ හෝ ගෙනවිත් දමන ලෙසට මොහුට පවසා තිබෙනවා.
පසුව සැකකරු විසින් දැරියව මහකළුගොල්ල ප්‍රදේශයට රැගෙන විත් එක්‌කරා නිවසක සතියක පමණ කාලයක්‌ නවාතැන් ගෙන ඇත්තේ දැරිය ඔහුගේ බිරිඳ වශයෙන් හඳුන්වා දෙමිනි.
පසුව එම නිවසින් වෙනත් නිවසකට දැරිය රැගෙන ගොස්‌ නැවති සිට ඇති අතර එහිදී කෙසේ හෝ පොලිසියට තොරතුරු ලැබීමෙන් පසුව දැරියව සහ සැකකරු අත්අඩංගුවට ගෙන තිබෙනවා.
