කාලකණ්‌ණි මනෝ විකෘතිකයකු චිත්‍ර ටික විනාශ කරලා...
පසුගිය වකවානුව පුරා පැවති නියඟය නිසා සිදීගිය පරාක්‍රම සමුද්‍රයේ වෑතලය ඔස්‌සේ දෙනෝදාහක්‌ දෙනා සීත මාලිගාව බැලීමට පැමිණියා.
එසේ පැමිණි එක්‌තරා කාලකණ්‌ණි මනෝ විකෘතිකයකු සීත මාලිගාවේ මිල කළ නොහැකි සියවස්‌ ගණනක්‌ පැරණි බදාම තලය මත ලැකර් භාවිතා කරමින් විකෘති සිතුවම් ඇද එය විනාශ කර ඇති අයුරුඅපට දැක ගත හැකි වුනා.
මේ උත්තම උරුම සම්පතේ
තේජෝගුණය කියාපානා සියවස්‌ අටක්‌ පමණ පැරණි පුරාණ බදාම තට්‌ටුවත්, පුරාණ වර්ණ ස්‌ථරත් අනේක විධ පරිසර හා සතුරු ව්‍යසනයන් හමුවේ ශේෂව තිබුණේය. මේ වර්ණ හා බදාම සංයෝජන අතීත වාස්‌තුවිද්‍යාවේ ඥාන ප්‍රභාව අනාගතය වෙත ගෙන යන මහා අනර්ඝ ජීවමාන සාධක වූයේය.
