දැනට නිකුත් කර ඇති හලාල් නිෂ්පාදන අලෙවි කිරීමට අවසර....
මෑත කාලයේ ශ්රී ලංකාව තුල වඩාත් කතා බහට ලක් වූ ඉස්ලාම් ආගමානු කූලව නිකුත් කරන ‘හලාල්’ සහතිකය නිකුත් කිරීම වහාම ක්රියාත්මක වන පරිදි අත් හිටුවීමට තීරණය කර ඇතැයි ඉහල පෙලේ ආරංචි මාර්ග කියනවා.
ආරක්ෂක ලේකම් ගෝඨාභය රාජපක්ෂ මහතා මේ සම්බන්ධයෙන් අදාල පාර්ශ්ව සමඟ සමඟ කරන ලද තීරණාත්මක සාකච්චා වට ගණනාවකින් පසු මෙම තීරණයට එළැඹ තිබෙනවා.
සියලූම නිකාය වලත් ඒවායේ පාර්ශ්වලත් නායක ස්වාමීන්ද්රයන් වහන්සේලා, ශ්රී ලංකා වාණිජ මණ්ඩල නියෝජිතයන්, මුස්ලිම් ව්යාපාරිකයන් හා ජමිතුල් උලමා සංවිධාන ප්රධානීන් සමඟ මේ ගැන ආරක්ෂක ලේකම්වරයා දීර්ඝ වශයෙන් සාකච්චා කිරීමෙන් අනතුරුව මෙම තීරණය ගෙන තිබෙනවා.
කෙසේ වෙතත් හලාල් සහතික නිකුත් කිරීම දැනට නතර කලද වෙළඳපලට නිකුත් කර ඇති හලාල් සහතික සහිත නිෂ්පාදන තොග අවසන් වන තුරු අලෙවි කිරීමටද එම සාකච්චාවේදී තීරණය වී තිබෙනවා. ඒ අතරම මින් ඉදිරියට හලාල් සහතික නිකුත් කිරීමට අවශ්ය වුවහොත් ඊට කිසිදු ගාස්තුවක් අය නොකිරීමටද තීරණය වී තිබෙනවා.
හලාල් සහතිකය සම්බන්ධයෙන් මෑත කාලයේ හටගත් මහත් ආන්දෝලනය හේතුවෙන් ආරක්ෂක ලේකම්වරයා ඊට මැදිහත්වී තිබෙනවා. ආරක්ෂක ලේකම්වරයා සමඟ ජනාධිපති උපදේශක මිලින්ද මොරගොඩ මහතාද මෙම සාකච්චා සඳහා එක්ව තිබෙනවා.
වහාම ක්රියාත්මක වන පරිදි හලාල් අත්හිටුවයි..
2013-03-09T12:11:00+05:30
Hot And Fast News
පුවත්|