නෙහාරා ගනන් බස්සගෙනලු...
නෙහාරා කියන්නේ කාලයක් ඉතා ජනප්රිය වෙච්ච නිළියක්නේ. අඩියෙන් අඩිය උඩට ඇවිල්ල. උඩම පඩියට නැග්ගට පස්සේ ඉතින් ගානත් සැරයි තමයි.
ඒත් හැමදාමත් සැරට ඉන්න හම්බෙන් නෑ. මොකද සැර අඩු වැඩි වෙනවා තමන්ට වැඩ ලැබෙන ප්‍රමාණයට. පහුගිය කාලයේ මීඩියාවලින් ජනප්රිය උනාට නෙහාරාට වැඩ නම් තිබුණේ ගොඩක් අඩුවෙන්.
එහෙම උනාම ගනන් බස්සගෙන හරි යන්න වෙනවා වැඩ හොයාගෙන. එහෙම යනකොට තමයි නෙහාරාට දම්සාරිව හමුවෙලා තියෙන්නේ කියලයි ආරංචි.
මේ දිනවල ජනප්රිය ටෙලි නාට්‍යක් වු දම්සාරි හි ප‍්‍රධාන චරිතය නිරූපණය කළ ෂෙරිල් ඩෙකර්ට දම්සාරිට සමුදෙන්න වුණා. ඒ දම්සාරි නිසා ගොඩක් වද වේදනා විඳින්න සිද්ධ උන නිසා කියල ෂෙරිල් කියල තිබුණා.
හරිනම් ඉතින් මේ වගේ වද විඳගෙන ටෙලියක් රඟපාන එකටත් වඩා කවුරුවත් දාලා ගිය එකකට කර ගහනකොට ගනන් උස්සන එකනේ සිරිත.
ඒත් දම්සාරී නමට ගැලපෙන්න වගේ දානමය පුණ්‍ය කර්මයක් කරනව කියල හිතාගෙනද දන්නේ නෑ නෙහාරා වැඩේ බාර අරගෙන තියෙන්නේ අඩු ගානකටලු.
මේ කතාව දැන් ක්ෂේත්‍රයේ කා අතරත් ප්‍රසිද්ධ වෙලානේ. අලුත් අලුත් අයනම් කියන්නේ මෙයාලා මෙහෙම තුට්‍ටු දෙකටත් යන්න ගත්තාම අපිට මොකද වෙන්නෙ කියලායි.
එහි තවත් විස්තර පහතින්
ෂෙරිල් ඩෙකර් හදිසියේම ප‍්‍රධාන චරිතය රගපාමින් සිටි ටෙලි නාට්‍යකින් ඉවත්වීම නිසා කතාබහට ලක්වූ දම්සාරි නැමැති ටෙලි නාට්‍යයේ ඇය කරණ ලද චරිතය වෙනුවෙන්, ජනප්රිය සම්මානයට පාත‍්‍රවූ නළියක වන නෙහාරා රගපාන්නට ඉදිරිපත්ව ඇත.
මේ සම්බන්ධව ක්‍ෂෙත‍්‍රයේ ප‍්‍රවීණ රංගන ශිල්පීන් සහ ශිල්පිණියන් කිහිප දෙනෙක්ම පැවසුවේ මෙවැනි අවාසානාවන්ත තත්ත්වයකට නළු නිළියන් ඇද වැටීම ටෙලි නාට්‍ය කර්මාන්තයේ ම විනාශයට හේතුවන බවයි.
කෙසේ වුවත් නෙහාරා එම චරිතය කරන්නට ඉදිරිපත් වීම සාදාචාරාත්මක නොවන බවත් බොහෝ අයගේ අදහසය. කෙසේ වෙතත් නෙහාරා මෙම චරිතය සඳහා අය කරණ මුදල පවා කතා බහට ලක්ව තිබේ.
ෂෙරිල් තම ශ‍්‍රමයට සරිලන මුදලක් ඉල්ලා සිටිද්දී නෙහාරා එම මුදලට මදක් අඩුවෙන් මෙම චරිතය බාරගෙන ඇති බවයි කසු කුසුව. කොහොම වුනත් මේ වෙනකොට දම්සාරි නැමැති නාට්‍යයේ ෂෙරිල් වෙනුවට ඊට අඩු මුදලකට නෙහාරා රංගනයේ නියුතු වන බව සැවොම දන්නා කරුණක් ව තිබේ.
එක් නිළියක් කරණ ලද චරිතයක් ඉවත්ව යාමෙන් එම චරිතයම ඉදිරිපත් කිරීම සඳහා වෙනත් නිළියක් යොදාගැනීමෙන් මෙම ටෙලි නාට්‍යවල ගුණාත්මක භාවය පිළිබඳ කිසිඳු මායිම් කිරීමක් නොකරණ බවට හොඳම සාක්‍ෂියයි. උදාහරණයයි.
මෙවන් ටෙලි නාට්‍ය බලන පේ‍්‍රක්‍ෂකයන් පිළිබඳව සත පහක ගෞරවයක් සහ ඔවුන්ගේ රසවින්දන අයිතිය පිළිබඳ නොහිතා කටයුතු කිරීම පේ‍්‍රක්‍ෂකයන්ට කරණ නිගාවක් ද වන්නේය.
පේ‍්‍රක්‍ෂකයෝද ඒ චරිත කව්රු කරත්, කව්රු ගියත්, කව්රු ආවත් ඔහේ බලන්නම් වාලේ බලන තත්තවයකට ඇද වැටී, සිහි විකල් වී මෙන් සිටිති. මුදල් නිසා කලාව විනාශ වී ගිය යුගයක මෙවන් කසිකබල් ටෙලි නාට්‍ය තුළින් ජනතාවට කුණු රස මිස ලැබෙන වෙනත් රසයක් නැති බව සැබැවක්මය .
