කලක් සංචාරක හෝටලයක කළමනාකාරවරයකු ලෙස සේවය කළ පුද්ගලයකු එහි සිදුවූ නීතිවිරෝධී කටයුතු පොලිස් ඇසට හසු වීම නිසා ඉන් පැන ගොස් ශාස්ත්‍ර කීමට පටන් ගෙන තිබේ.
ඒ අනුව තෝරාගන්නා කුඩා විහාරස්ථානයකට ගොස් එහි සිට අංජනම් බැලීම ඇතුළු ගුරුකම් කිරීමට ඔහු කටයුතු කළේය. අංජනම් බැලීම සඳහා පැමිණෙන කාන්තාවන්ට සිය ශරීරයේ “කිලි” ඇති බව පවසන මොහු එය ඉවත් කිරීම අවශ්‍ය බව පවසයි.
මසේ පැමිණෙන කාන්තාවන්ගෙන් සිය අවශ්‍යතාව ඉටු කර ගැනීමට සරිලන පරිදි උපක්‍රමශීලීව කටයුතු කරන මොහු වෙනත් දිනයකදී එම කාන්තාවන් වෙන් වෙන් වශයෙන් ගෙන්වා ගනී.
මෙසේ නැවත පැමිණෙන කාන්තාවට වෙනත් රෙද්දක් අන්දවා භ්‍රමණය වන උපකරණයක් මත හිඳවා කරකවනු ලබයි. ඉන් මත් වී වික්ෂිප්ත බවට පත් වන කාන්තාව නිරුවත් කොට සිය පහත් අවශ්‍යතා ඉටු කර ඡායාරූප හා වීඩියෝ ගත කර ඇත.
මෙලෙස ප්‍රදේශ කිහිපයක රැඳී සිටිමින් මේ පුද්ගලයා මෙම ජාවාරම කරගෙන ගොස් ඇති බවද පොලිසිය ප්‍රකාශ කරයි. මොහු විසින් ගන්නා ලද ඡායාරූප හා වීඩියෝ කිහිපයක් ද පොලිසය සොයා ගෙන ඇත.
