සැකකරු සමඟ විදුලි සංදේශ ක්‍රමය සඳහා භාවිතා කළ උපකරණ තොගය ද අත්අඩංගුවට ගෙන තිබේ. මෙරටට ලැබෙන විදේශ දුරකථන ඇමතුම් ග්‍රාහකයන් වෙත ලබාදී මුදල් ඉපයීමේ යෙදී සිටි බව කියන අත්අඩංගුවට ගත් සැකකරු අන්තර් ජාලය උපයෝගී කර ගනිමින් ඉතා සූක්ෂම ලෙස එම ජාලය සකස් කර ඇති බවට හෙළිව ඇත. ඉකුත් 13 දා බස්නාහිර පළාත් උතුර කොට්ඨාසයේ නිලධාරීන් විසින් එම ස්ථානය වටලා සැකකරු සමඟ විදුලි සංදේශ ක්‍රමයට උපයෝගී කරගත් උපකරණ තොගය අත්අඩංගුවට ගෙන අධිකරණය හමුවට පමුණුවා ඇති බව නියෝජ්‍ය පොලිස්පති මැක්සි ෆ්‍රොක්ටර් මහතා සඳහන් කළේය.
