ගල්කිස්ස ශාන්ත තෝමස් විද්‍යාලයෙන් ප්‍රාථමික හා ද්විතීක අධ්‍යාපනය නිම කළ නාමල් රාජපක්ෂ මහතා ලන්ඩනයේ සිටි යුනිවසිටියෙන් නීතිවේදය පිළිබඳ උපාධිය ලබාගැනීමෙන් පසු, ශ්‍රී ලංකා නීති විද්‍යාලයේ අවසන් පරීක්ෂණයෙන් අනතුරුව, නීතීඥවරයකු ලෙස අද දිවුරුම් දෙනු ලැබීය.ඔහු සමඟ තවත් නීතීඥවරුන් නව දෙනෙකු නීතීඥවරුන් ලෙස දිවුරුම් දුන්හ.
දිවුරුම් දීමෙන් අනතුරුව නාමල් රාජපක්ෂ මන්ත්‍රීවරයාට, ජනාධිපතිතුමා හා ශිරන්ති රාජපක්ෂ මහත්මිය සුභ පැතූ අතර, යෝෂිත රාජපක්ෂ, රෝහිත රාජපක්ෂ යන සොහොයුරන් දෙදෙනා ද, කතානායක චමල් රාජපක්ෂ මහතා, අමාත්‍ය බැසිල් රාජපක්ෂ මහතා, ගෝඨාභය රාජපක්ෂ මහතා ඇතුළු පවුලේ ඥාතීන් බොහෝ පිරිසක් ද අමාත්‍යවරුන් හා පාර්ලිමේන්තු මන්ත්‍රීවරුන් ද, හිතවතුන් පිරිසක් ද සුභ පැතීම සඳහා එක්ව සිටියහ.
