මීට අමතරව ශ්‍රී ලංකා ජාතික ක්රිකට් කණ්‌ඩායම ජය ගත් තවත් කුසලාන කිහිපයක්‌ද මෙම ප්‍රදර්ශනය සඳහා රැගෙන ගොස්‌ ඇති අතර එම ඇතැම් කුසලානවල අඩංගු විවිධ කොටස්‌ කැඩී බිදී ගොස්‌ තිබේ. ඇතැම් කුසලාන කිහිපයක තැළීම්ද සහිතව දැක ගන්නට හැකි බවද වාර්තා වේ. මේ පිළිබඳව ශ්‍රී ලංකා ක්රිකට් ආයතනයේ කිසිදු නිලධාරියෙක්‌ මේ වන විට දැනුවත් නොමැති බවද වාර්තා වේ.
අදාළ ප්‍රදර්ශනය සඳහා මෙම කුසලාන භාරව ශ්‍රී ලංකා ක්රිකට් ආයතනයේ සේවය කරන සිදත් ප්‍රනාන්දු මහතා කටයුතු කර ඇත. ඔහු මෙම දින නවයේ ප්‍රදර්ශනය සඳහා සහභාගි වීම සඳහා රුපියල් ලක්‍ෂයක පමණක මුදලක්‌ ලබාගෙන ඇති බවද වැඩිදුරටත් වාර්තා වේ. එම මුදල් ඔහුගේ ඉදුම් හිටුම් සහ කෑම බීම ඇතුළු අනිකුත් දෑ සඳහා වියදම් කිරීම වෙනුවෙන් ලබා ගත් බව වාර්තා වේ.
එම සමයේ ශ්‍රී ලංකා ක්රිකට් කණ්ඩායමේ නායකත්වය උසුලනු ලැබූවේ වත්මන් පාර්ලිමේන්තු මන්ත්‍රී අර්ජුන රණතුංග මහතාය.
