එක් පියෙක් පී.එස්.ඩීයේ - අනෙක් පියා මන්ත්‍රිවරයෙක්
ශ්‍රී ලංකාවේ මේ වනවිට පස් දරු උපත් දෙකක් සිදු වී ඇති අතර එම දරු උපත් දෙකේ අපූරු සමානතා කිහිපයක් දකින්නට ඇත.මුලින්ම පස් දරු උපතක් ශ්‍රී ලංකාවේ වාර්ථා වූයේ 2004 වසරේ ඔක්තොම්බර් 06 වැනිදා ය.
ශ්‍රී ලංකා ඉතිහාසයේ ප්‍රථම වතාවට පස් දරුවන් බිහි කළ ආශ්චර්‍යමත් මාතාව වූයේ එවකට 29 හැවිරිදි වියේ පසු වූ චමිලා වීරසේකර මාතාවයි. ඇගේ සැමියා නිමල් පියතිස්ස මහතාය. ඔහු එවකට ජනාධිපති ආරක්ෂක අංශයේ සේවය කළේය.
( ඉහතින් පෙනෙන්නේ Children4 මුල්ම පස් දරු උපත සිදු වී ටික කලකට පසු එම දරුවන් සහ චමිලා
වීරසේකර මහත්මිය දකින්නට ජනාධිපති ආර්‍යා ශිරන්ති රාජපක්ෂ මහත්මිය එම නිවසට
ගොස් සිටි අයුරුය.)
චමිලා වීරසේකර මහත්මිය පසුව කොළඹ කාසල් කාන්තා රෝහලේ දී පස් දරු උපත සිදුකළ අතර පසුව ශිරන්ති රාජපක්ෂ මහත්මිය තෑගි බෝග ද රැගෙන ඇය දැකීම පිණිස ගියාය. ශ්‍රී ලංකාවේ දෙවැනි පස් දරු උපත සිදු වූයේ අද (15) ය. පස් දරුවන් බිහි කළ කාන්තාව වූයේ රසාංගිකා ශ්‍යාමන්ති මහත්මියයි.
ඇයටද වයස අවුරුදු 29ක් බව දැන ගන්නට ඇත. ඇගේ සායන කටයුතු සිදු කරමින් පස් දරු උපත දක්වා වෛද්‍ය උපදෙස් ලබා දී අද දවසේ ඇගේ සිසේරියන් සැත්කමටද සහභාගී වූ එක් වෛද්‍යවරයෙක් වන‍්නේ ශල්‍ය වෛද්‍ය විශේෂඥ කපිල ගුණවර්ධන මහතාය.
රසාංගිකා ශ්‍යාමන්ති මහත්මියගේ සැමියා වන ශිලන්ත විජේපාල මහතා කෑගල්ල ප්‍රාදේශීය සභාවේ ආණ්ඩු පක්ෂයේ මන්ත්‍රිවරයෙකි.
කෑගල්ලේ හෙට්‌ටිමුල්ල පදිංචි ජංගම දුරකථන සමාගමක විධායක නිලධාරියකු මෙන්ම කෑගල්ල ප්‍රාදේශීය සභාවේ මන්ත්‍රීවරයකු ද වන ශිලන්ත විඡේපාල මහතාගේ බිරිඳ වන 29 හැවිරිදි දිලානි රසාංගි ශාමන්ති මහත්මිය සිසේරියන් සැත්කමකින් පුතුන් තිදෙනකු සමඟ දියණියන් දෙදෙනකු බිහි කළා.
ප්‍රසව හා නාරිවේද විශේෂඥ වෛද්‍ය කපිල ගුණවර්ධන මහතා සහ ළමා රෝග විශේෂඥ වෛද්‍ය කේ. එපිටකුඹුර මහත්මිය ප්‍රමුඛ මහනුවර ශික්‍ෂණ රෝහලේ කාර්ය මණ්‌ඩලය මෙම දරු උපත වෙනුවෙන් බොහෝ සෙයින් ඇප කැප වූ අතර තවදුරටත් ඔවුන් ඉන් මිදී නැත. රෝහල් අධ්‍යක්‍ෂ වෛද්‍ය ඩබ්ලිව්. ජී. ඒ. දිසානායක මහතා මෙම දරු උපත පිළිබඳව මෙසේ අදහස්‌ දැක්‌වූවා.
"මේ මව දරුවන් නොමැතිකමට බොහෝ කලක්‌ ප්‍රතිකාර ලබාගෙන තිබුණා. මෙවැනි දරු උපත්වලට එය බෙහෙවින් ඉවහල් වෙනවා. සති 30 සම්පූර්ණ වෙද්දී මේ මවට රුධිරය වහනය වෙන්නත්, බඩේ වේදනාවක්‌ ඇති වෙන්නත් පටන් ගත්තා. නියමිත කාලය සම්පූර්ණ කර නැති වුවත් මවගේ ජීවිතය හා දරුවන් රැක ගැනීම උදෙසා සිසේරියන් සැත්කමක්‌ කළා. දරුවෝ පස්‌දෙනාම කාලය සම්පූර්ණ වනතුරු ඉන්ක්‍යබේටර්වලට යොමු කළා.
රෝහල් වෛද්‍යවරුන් ඇතුළු කාර්ය මණ්‌ඩලය දරුවන් ගැනත් මව ගැනත් විශේෂ අවධානයකින් කටයුතු කරනවා. මේ රෝහලේ පස් දරු උපතක් සිදුවුණු දෙවන අවස්‌ථාව මේකයි. මීට කලින් 2004 ඔක්‌තෝබර් 06 වැනිදා පස්‌දරු උපතක් සිදුවුණා. ඒ පිළිබඳ වෛද්‍යවරයා වූයේත් මෙම සැත්කමට සම්බන්ධ වූ ප්‍රසව හා නාරිවේද විශේෂඥ වෛද්‍ය කපිල ගුණවර්ධන මහතාම වීම විශේෂයි."
පස් දරු උපතින් ප්‍රීතියට පත් මව සහ පියා පැවසුවේ වෛද්‍ය උපදෙස් අනුව බිලිඳුන් පස්‌දෙනකු ලැබෙන බව කල් තබා දැනගෙන සිටි බවයි. දරුවන්ගේ අනාගතය වාසනාවන්ත කිරීමට සෑම උත්සාහයක්‌ම ගන්නා බව ද ඔවුහු පැවසූහ.
දරු උපත පිළිබඳ තොරතුරු ලද වහාම මධ්‍යම පළාත් ආණ්‌ඩුකාර ටිකිරි කොබ්බෑකඩුව මහතා මහනුවර ශික්‍ෂණ රෝහලට ගොස් මවටත් පියාටත් සුබ පැතුවේය.
