අන්තර්ජාලය, ජංජාලයක් ඇති කරන්නේ අදක ඊයෙක නොවෙයි. මිනිසා හෘදයාබාධ යකට ක්ෂණිකව ගොදුරු කිරීමට තරම් බියජනක පුවත් මේ මායා ජාලය ගෙන එයි.
මෝඩයාගේ මාසය බොලිවුඩය නොබෝදා කම්පනයට පත් කළේ එවන් වූ හද ගැස්ම වේගවත් කරන පුවතකිනි. හිම ක්‍රීඩාවේ යෙදී සිටියදී ආයුෂ්මාන් කුර්නා මිය ගියා.
පවුලේ සාමාජිකයන් හා හිත මිතුරන් සමඟ ස්විස්ටර්ලන්තයේ නිවාඩු සමය ගත කරද්දී සීමට්වල ඔහු හිම ක්‍රීඩාවේ යෙදී තිබෙනවා. ආයුෂ්මාන්ට හිම පුවරුව පාලනය කළ නොහැකි වී ඉතා වේගයෙන් ගසක වැදීමෙන් ක්ෂණිකවම මිය ගොසින්. වහාම ළඟම ඇති රෝහල කරා ගෙන ගියත් ඒ වන විට ඔහු මිය ගොස් අවසානයි.
ආයුෂ්මාන් හිස් ආවරණයක් පැලඳ සිටියත් අනතුරට ගොදුරු වෙලා. ක්‍රීඩා කරන අවස්ථාවේ ඔහු මත්ද්‍රව්‍ය හෝ මත්පැන් පානයකර තිබුණු බවට සාක්ෂි ලැබී නැහැ.’ මේ පුවත සමාජ වෙබ් අඩවි ගණනාවකම ප්‍රධාන පුවත බවට පත් වී තිබුණි.
ප්‍රවෘත්තිය රසික කැල කම්පනයට පත් කරද්දී ආයුෂ්මාන් සිය නවතම සිනමාපටය ‘නෞතන්කි සාලා’ ලෝක පූර්ව දර්ශනයට සහභාගිවීම සඳහා ඩුබායි ගොස් සිටියේය. පුවත කන වැකුණු සැනින් ඔහු ට්වීටර් වෙබ් අඩවියට තමන් හොඳින් සිටින බව දැන්නුවේය.
ඔහුගේ ඒ පණිවුඩය දුටු සියල්ලෝම දෙවියන්ට ස්තුති කළහ.
