විස්සයි විස්ස ලෝක කුසලානය ඉන්දියාව දිනන බවට ඔට්ටු ඇල්ලූ ගම්පහ ව්යාපාරිකයකු රේස් බුකියට වී ක්රිකට් තරගය නරඹද්දී ඉන්දියාව පැරදුණු බව ඇසීමත් සමග සිහි නැතිවී ගම්පහ රෝහලට ඇතුළු කිරීමෙන් පසු මියගිය බව ගම්පහ නාගරික හදිසි මරණ පරීක්ෂක වෛද්ය පී. පී. ආර්. පී. රාජපක්ෂ මහතා ඉදිරියේ පැවැති මරණ පරීක්ෂණයේදී අනාවරණය විය.
ඔහුගේ බිරිය සාක්කි දෙමින් පැවැසුවේ මීට පෙර ඔහුට රෝගයක් නොතිබුණු බවයි. හදිසි හෘදයාබාධයකින් ව්යාපාරිකයා මියගොස් ඇතැයි මරණ පරීක්ෂණයේදී නිගමනය විය.
ඉන්දියාව දිනනවා කියා 20 - 20 ක්රිකට් මැච් එකට මිය ගිය සැමියා රේස් බයි එකෙන් තුණ්ඩුවක් දමා තිබුණා. ශ්රී ලංකාව ජයග්රහණයත් සමග සිහිසුන්ව සිටි ඔහුව ගම්පහ මහ රෝහලට රැගෙන ගියත් ඒ වන විට ඔහු
මියගොස් තිබුණා යෑයි පෙරේදා (06 දා) පැවැති ලෝක කුසලාන ක්රිකට් තරගය අවසානයේදී මියගිය එස්. පී. කුමාර් (අවු 52) නමැති පලතුරු ව්යාපාරිකයාගේ මරණය සම්බන්ධව ඊයේ (07) ගම්පහ මහ රෝහලේදී පැවැති හදිසි මරණ පරීක්ෂණයේදී සාක්ෂි දෙමින් මිය ගිය අයගේ දෙවැනි බිරිඳ වන කේ. ඒ. එස්. නිරෝෂනී කස්තුරිආරච්චි (අවු(28) මහත්මිය පැවැසුවාය.
ගම්පහ හදිසි මරණ පරීක්ෂක වෛද්ය ප්රියන්ත රාජපක්ෂ මහතා ඉදිරියේදි පැවති මරණ පරික්ෂණයේදී ගම්පහ පොලිස් ස්ථානයේ පො. කො. චන්දන ප්රියංකර (38131) මහතාගේ සාක්ෂි මෙහෙයවීම මත වැඩිදුරටත් සාක්ෂි දුන් නිරෝෂනී කස්තුරිආරච්චි මහත්මිය මෙසේද පැවසුවාය.
මා සහ මියගිය කුමාර් අංක 30 ජාඇල පාර, ගම්පහ යන ලිපිනයේ පලතුරු කඩයක් පවත්වාගෙන යමින් සිටිනවා. කුමාර්ගේ නීත්යානුකුල බිරිඳ ලෙච්චමි එයාටත් අපිට හැකි අයුරින් උපකාර කරනවා. ඉන්දියාවේ ක්රිකට් ටීම් එක ගැන සැමියා ලොකු බලාපොරොත්තුවක් තබා තිබුණා. ඒ නිසාම රේස් බයි එකේ ඉන්දීය ටීම් එක දිනන බවට තුණ්ඩුවක් දමා තිබුණා.
ඒ බව මා දන්නවා. ශ්රී ලංකාව ලෝක කුසලානය දිනා ගැනීමෙන් අනතුරුව ඔහු රේස් බුකියේදී හිස පහත් කරගෙන සිටින බවට අයෙක් මට ඇවිත් කිව්වා. මම එතනට ගිහින් කුමාර්ට කතා කළත් ඔහු කතා කළේ නැහැ. ත්රීවීල් එකක දාගෙන ගම්පහ මහ රෝහලට රැගෙන ගියා.
ඒ යනවිට කතා කළේ නැහැ. රෝහලට රැගෙන ගියාට පසු වෛද්යවරු කිව්වා පරික්ෂා කර කුමාර් මිය ගොස් ඇතැයි කියා. කුමාර්ට කවුරුත් තරහාකාරයෝ හිටියේ නැහැ යෑයි පැවසුවාය.
ක්රිකට් ඔට්ටුව පැරදී ගම්පහ ව්යාපාරිකයකුට 'හාට් ට්රබල්'
2014-04-08T07:56:00+05:30
Hot And Fast News
පුවත්|