මිය යාමට පෙර උදරය ප්‍රදේශය සහ තවත් ස්‌ථාන කිහිපයක්‌ තියුණු ආයුධවලින් කපා දමා කෲර වධහිංසා පමුණුවා පසුව ඔහුගේ ගෙල සිරකර තිබූ බවද මළ සිරුර පරීක්‍ෂා කිරීමේදී හෙළිවී තිබෙනවා මුහුදේ ගිල්ලවා තිබූ සිරුර විශාල ගලද සමඟ අක්‌කරෙයිපත්තුව මුහුදු වෙරළට ගොඩගසා ඇත්තේ මීට දින 18 කට කලින්. මියගිය පුද්ගලයා කාගේ කවුදැයි හඳුනාගැනීමට නොහැකිව දින 18 ක්‌ තිස්‌සේ සිරුර අක්‌කරෙයිපත්තුව රෝහලෙහි මෘත ශරීරාගාරයෙහි තැන්පත් කර තිබී ඇත.
මෙම සිරුර පිළිබඳ ලැබුණු තොරතුරු මත පසුගියදා අක්‌කරෙයිපත්තුව රෝහලට ගිය ඥතීන් පිරිසක්‌ එම සිරුර ලොකු සීයාගේ බව හඳුනාගෙන තිබෙනවා. සිරුර සොයා ගන්නා අවස්‌ථාවේ එය දැඩිලෙස විකෘති නමුත් ලොකු සීයා හැඳ සිටි ඇඳුම්වලින් සහ ඔහුගේ අතක ඇඟිල්ලක තුවාලයක ගැටගසා තිබූ රෙදි පටියකින් ඥතීන් ඔහුගේ සිරුර හඳුනාගත් බව පොලිසිය පවසනවා. පැහැර ගන්නා අවස්‌ථාවේ ලොකු සීයා රුපියල් කෝටි තුනහමාරකට අධික වටිනාකමෙන් යුත් රන් ආභරණ පැළඳ සිටි බව පරීක්‍ෂණවලදී හෙළිවී තිබුනා.
විවිධ අදෘෂ්‍යමාන බලවේග භාවිතා කරමින් ප්‍රසිද්ධියට පත්ව සිටි ලොකු සියා විවිධ දේශපාලනඥයන්, ආරක්‍ෂක අංශ ප්‍රධානීන්, ව්‍යාපාරිකයන් ඇතුළු විශාල පිරිසක්‌ ලොකු සීයාගෙන් සේවා ලබාගත් පිරිස අතර වුනා. ලොකු සියා ඇත විශාල ධනස්කන්ධයක් ගැවසුන අතර ඔහු එම පළාතේ මත්කුඩු වෙළඳාමට සම්බන්ධ ප්‍රධාන චරිතයක් බව ප්‍රදේශවාසින් සහ පොලිසිය හොදින් දනී. ලොකු සියා ප්‍රධාන වශයෙන් හෙරොයින් වෙළඳාමට සම්බන්ධ වී සිටි අතර මෙම පැහැර ගැනීම සිදුවී ඇත්තේ මත්ද්‍රව්‍ය විකුණන වෙනත් කල්ලියක් සමග ඇතිකරගත් ගැටුමක් හේතුවෙනි.
