ශ්‍රී පාද වන්දනාව (2012) ආරම්භ වූ දිනවලදී රිළවුන් මෙම ප්‍රදේශයේ නොසිටි බවත් මේ වන විට හැටන් මාර්ගයේ රංචු පිටින් රිළවුන් සහ වඳුරන් සිටින බවත් ආපදා කළමනාකරණ නුවරඑළිය දිස්‌ත්‍රික්‌ සහකාර අධ්‍යක්‍ෂ එරන්දන හේමවර්ධන මහතා පැවැසීය.
බැතිමතුන් විසින් අතරමඟදී ගැනීමට රැගෙන එන ආහාර පාර්සල් සහ අතරමගදී නැවතී ආහාර ගැනීමේදී රිළවුන් සහ වඳුරන් එම ආහාර ඩැහැ ගැනීමට වෙර දරන බැවින් වඩාත් ප්‍රවේශම්කාරී වෙන්නැයි ද අවවාද කෙරේ.
කුඩා පිරිස්‌ හෝ කණ්‌ඩායම් වශයෙන් ආහාර නොගෙන විශාල බැතිමතුන් එක්‌ව ආහාර ගැනීම මෙම අවහිරයෙන් මිදීමට කළ විකල්පයක්‌ බවද ඒ මහතා අවධාරණය කරයි. මෙම සතුන් ආහාර පැහැර ගැනීම සඳහා හිරිහැර කිරීමට ඉඩ ඇති බවද පැවැසීය.
