ඒ අතර නුවරඑළිය ප්රදේශ රැසක මල් තුහින දැකගත හැකි බව එහි දිස්ත්රික් ලේකම් ඩි.පී.ජී.කුමාරසිරි මහතා සදහන් කරයි. මේ අතර දිවයිනේ ඌව හා නැගෙනහිර පළාත්වල අද දිනයේදී වැසි සහිත කාලගුණ තත්වය ඇතිවිය හැකි බව කාලගුණ විද්යා දෙපාර්තමේන්තුව අනාවැකි පළ කරයි.එසේම දිවයිනේ ඇතැම් ස්ථානවල තද සුළං තත්වයක්ද ඇතිවිය හැකිය.දිවයිනට නැගෙනහිර, නිරිත සහ දකුණු දෙසින් වෙරළට ඔබ්බෙන් වන මුහුදු ප්රදේශවල ස්ථාන ස්වල්පයක වැසි ඇතිවිය හැකි බව ද කාලගුණ විද්යා දෙපාර්තමේන්තුව වැඩිදුරටත් සඳහන් කරයි.
මෙයින් පාසල් දරුවන් හා රාජකාරිවල නිරත වූ අය පීඩා විඳිති. මෙයින් රාත්රී සේවා මුරවල යෙදෙන රෝහල් කාර්ය මණ්ඩලය ආරක්ෂක අංශ නිලධාරීන් තම රාජකාරියේදී කටුක සේවාවක් ඉටු කරති. මෙම හිම (මල් තුහින) පතිත වීම තේ, අර්තාපල් ඇතුළු ප්රධාන බෝග ගණනාවකට ඉතා අහිතකරය. ඒ නිසා ගොවීහු මහත් පාඩු විඳගත් අවස්ථාද පසුගිය කාලයේ අපි දැක ඇත්තෙමු. මෙවර කඳපොළ, මීපිලිමාන වැනි ප්රදේශවල ගොවිතැන්වලට බලපෑමක් එල්ලවූ බව දැනගන්නට ඇත.මෙම අපූරු දසුන දැක ගැනුමට ඇතැම් දේශීය සංචාරකයින් කොළඹ සිට නුවරඑළියට පැමිණි අවස්ථාද විය. මේ සොබා දහමේ ක්රියාවලියට අපට එරෙහි විය නොහැක.