ඇය මියගොස් ඇත්තේ හොම්ස් නගරයේ තාවකාලිකව අටවාගෙන සිටි මාධ්‍ය මාධ්‍යස්ථානයක පිහිටි ප‍්‍රදේශයක එල්ල වූ ෂෙල්වෙඩි ප‍්‍රහාරයකිනි. මතභේදාත්මක සුදුකොඩි නඩුවට තුඩුදුන් සිදුවීම් පෙළ පිළිබඳව ලොවට මුලින්ම හෙළිදරව් කළ බි‍්‍රතාන්‍යයේ මාධ්‍යවේදිනී මාරි කොල්වින්ය.
මිය යන විට ඇය සිරියාවේ යුද වාර්තාකරණයේ සිටියාය. මෙම සිද්ධියෙන් ඇය හා ප‍්‍රංශ ඡායාරූප ශිල්පියෙකු මියගොස් ඇති බවත්, තවත් විදෙස් මාධ්‍යවේදීන් තිදෙනෙකු තුවාල ලබා ඇති බවත් ඒජන්සි වාර්තාවල සඳහන් වේ.
වසර 2001 දී ශ‍්‍රී ලංකාවේ දී යුද වාර්තාකරණයේ නිරත ව සිටි මාරි කොල්වින් හට සිය වම් ඇස ද අහිමි විය. චෙච්නියාවේ හා සර්බියාවේද යුද වාර්තාකරණයේ යෙදුනු ඇය මැද පෙරදිග ලෝකයේ අරගල ආරම්භ වීමත් සමග ටියුනීසියාවේ, ඊජිප්තුවේ හා ලිබියාවේද මාධ්‍යවේදිනියක් ලෙස කටයුතු කළාය.
