ස්වාධීන රූපවහිනියේ අටපට්ටම හා දොරමඬලාව නම් ජනප්‍රිය වැඩසටහන් ඉදිරිපත් කළ හසන්ත හෙට්ටි ආරච්චි මහතා පසුගියදා ජාතික හෙළ උරුමයේ නායකයකු හමු වී තමන් දිගටම වැඩ කළේ මෛත්‍රීපාල සිරිසේන මහතාට බැවින් තමන්ට නව ආණ්ඩුව යටතේ ස්වාධීන රූපවාහිනියේ නියෝජ්‍ය සාමාන්‍ය අධිකාරී (වැඩසටහන්) තනතුර ලබා දෙන ලෙස බැගෑපත්ව වැඳවැටී තිබේ.
මෙම කත බහ අතරේදී වූ ඇති විසුළුකාරීම සිදුවීම නම් හසන්ත හෙට්ටිආරච්චි තමන් විසින් ඉදිරිපත්කළ 'දොරමඩලාව' වැඩසටහන අදාලව පවත්වාගෙන ගිය 'ෆේස්බුක් මිතුරු පි‍ටුව'ද මෛත්‍රීපාල සිරිසේන මහතා ගේ ජයග්‍රහණය වෙනුවෙන් යොදා ගත් බව පැවැසීමය.
එය මුළු මනින්ම මුසාවක් වන අතර එම පි‍ටුව පවත්වාගෙන ගියේ වෙනත් පිරිසක් විසිනි. ඊට හසන්ත ගේ සම්බන්ධයක් තිබුණේ නැත.
එහෙත් එම දොරමඩලාව නම් පි‍ටුවේ ඇඩ්මින්වරු තමන් මෛත්‍රීපාල සිරිසේන මහතාට සහය දක්වන බව ප්‍රකාශ කිරීමෙන් පසුව මහින්ද රාජපක්ෂ හසන්ත හෙට්ටි ආරච්චිව අරලිගහ මන්දිරයටම ගෙන්වා
පට්ට පතුරු යැව් බව නම් සතයකි. එහිදි ඒ තමන් නොදන්නා බවත් පවසා තිබිණි. එවකට හසන්ත කටයුතු කළේ රාජපක්ෂගේ ජයග්‍රහණය වෙනුවෙන් පැල් බැඳගෙනය.
කෙසේ නමුත් හසන්තට මෙම තනතුර ගැනීම සඳහා අටපට්ටම් බොරු ගැසීමට අමතරව ආයතනයේම තවත් නිළධාරියකු සමඟ සටනක් දීමට සිදුව තිබේ. ඒ ස්වාධීන රූපවාහිනියේ ටෙලිනාටය නිශ්පාදකයකු වූ සඳරුවන් ජයවික්‍රම ද මෙම තනතුර ලබා ගැනීම සඳහා ජාතික හෙල උරුමයේම නායකයකු හමුවී තමන් මෛත්‍රීපාල සිරිසේන මහතා දිනවීම සඳහා විශාල වැඩ කොටසක් ආයතනය තුලත් ඉන් පිටතදීත් සිදු කල බව පවසා ඇත.
එහෙත් අපගේ දැනීම අනුව සඳරුවන් ජනාධිපතිවරණ සමයේදී ස්වාධීන රූපවාහිනිය තුල දකින්නට සිටියේ නැත. ඔහු සිටියේ ගෝඨාබය රාජපක්ෂ සමඟ ජනාධිපතිවරණයට අදාල රූපවාහිනී දැන්වීම් නිර්මාණය කරමින්ය. ඒ සඳහා ඔහු ආයතනයේ ප්‍රධානින්ගේ අවසරයද ලබාගෙන තිබිණි.
