කොන්ක්රිට් විදුලි කණු පටවා ගත් ලොරි රථයක් තංගල්ල නගරයේදී ඊයේ (15) අනතුරකට පත්වුණා. ඒ හේතුවෙන් ඒ 02 ප්රධාන මාර්ගය තංගල්ල ප්රදේශයේදී පැය දෙකක පමණ කාලයක් සම්පූර්ණයෙන්ම අවහිරවී තිබුණා.
මාතර දෙස සිට අධිකවේගයෙන් පැමිණ ඇති ලොරියේ තිබූ විදුලි කණු හදිසියේම මහා මාර්ගයට ඇද වැටීම නිසා රියදුරුට ලොරිය පාලනය කර
ගැනීමට නොහැකි වීමෙන් මෙම අනතුර සිදුවී ඇතැයි මූලික විමර්ශන වලින් හෙළිව තිබෙනවා.
අනතුරෙන් පුද්ගලයන් 08 දෙනෙක් තුවාල ලබා තංගල්ල මූලික රෝහලට ඇතුළත් කොට අති අතර මාර්ගයේ තිබූ වාහන 08කටද මින් අලාභ හානි සිදුව තිබෙනවා. අනතුර හේතුවෙන් වෙළදසැල් දෙකකටද බරපතල හානි සිදුව තිබුණා.
අනතුරෙන් පසු පලා ගොස් සිටි ලොරි රථයේ රියදුරු හා රිය සහායකයා පසුව පොලිස් අත්අඩංගුවට පත්ව තිබෙනවා.
