සිද්ධියෙන් පුද්ගලයන් 05 දෙනෙකු තුවාල ලබා පුත්තලම මුලික රෝහලට ඇතුළත් කර තිබේ.ගී‍්‍රස් යකෙක් පැමිණ ඇති බවට වූ ප‍්‍රචාරයක් පිළිබඳව සොයා බැලීම සඳහා පුත්තලම-මහල්ගුණ්ඩුව ප‍්‍රදේශයට පොලිස් කොස්තාපල්වරයෙකු සහ ප‍්‍රදේශයේ ග‍්‍රාම සේවකවරයා එම ප‍්‍රදේශයට ගිය අවස්ථාවේදී කිසියම් අයෙකු සිදුකළ වෙඩි තැබිමකින් පුද්ගලයන් 05 දෙනෙකු තුවාල ලබා ඇත.
ඒ අතර කාන්තාවක් සහ වයස අවුරුදු 13 ක පිරිමි දරුවෙකු ද සිටින බව පුත්තලම රෝහල් ආරංචිමාර්ග සදහන් කරයි. මෙහිදී පොලිස් නිලධාරීයා පැමිණි යතුරු පැදියට ද ප‍්‍රදේශවාසීන් ගිනි තබා ඇත.
අනතුරුව ඊයේ රාති‍්‍රයේ නගරයේ රැදී සිටි පිරිසක් විසින් කළ පහර දීමකින් පොලිස් නිලධාරියෙකු බරපතල තුවාල ලබා රෝහල් ගතකර ඇති අතර පසුව එම පොලිස් නිලධාරියා ජීවිතක්ෂයට පත් වී තිබේ.
