ශ‍්‍රී ලංකාවේ සිට ක‍්‍රියාත්මක යැයි කියන කණ්ඩායමක් ලොව ප‍්‍රධාන පෙළේ වෙබ් අඩවි රැසකට අනවසරයෙන් ඇතුලූ වී පරිගණක දත්ත ලබාගෙන ඇති බවට අද (01) ජාත්‍යන්තර වෙබ් අඩවි කිහිපයක්ම වාර්තා කර තිබිණ. මෙම කණ්ඩායම ඇනොනිමස් ශ‍්‍රී ලංකා යනුවෙන් තමන් හඳුන්වාගෙන ඇති බවත් ඔවුන් ඇපල්, මයික්‍රො සොෆ්ට්, ෆේස් බුක්, ස්කයිප් ආදි ලොව ප‍්‍රධාන පෙළේ වෙබ් අඩවි රැසකට මෙසේ ඇතුලූ වී ඇති බවත් එම වාර්තාවල සදහන්විය. එම වාර්තාවලට අනුව මෙම කණ්ඩායම මිට පෙර ශ‍්‍රී ලංකාවේ වෙබ් අඩවි රැසකට ද මෙලෙස ඇතුලූ වී තිබේ. මෙම පරිගණක ආක‍්‍රමණකාරීන් අගෝස්තු මස 22 වැනිදා සිට ලොව ප‍්‍රධාන වෙබ් අඩවිවල ඇතුළත් ඇතැම් දත්ත හෙළිකර තිබෙන බවට අනාවරණය වී ඇතැයි විදෙස් මාධ්‍ය වාර්තා සඳහන් කර තිබිණ.
