මෙම තාක්‍ෂණික දර විදුලි ලිප සකස්‌ කිරීමේදී පාරම්පරික රන් රිදී උණු කිරීමට යොදාගන්නා සම්ප්‍රදායික උණුසුම් ක්‍රම අනුසාරයෙන් කුඩා විදුලි පංකාවක්‌ මාර්ගයෙන් ගිනි බෝකරගන්නා ක්‍රමය මෙම ලිපට ඇතුළත් කර ඇත. පොල්කටු අඟුරු ස්‌වල්පයක්‌ හෝ කුඩා දරකැබලි කීපයක්‌ ලිපට සවිකර ඇති පංකාව මගින් නිරතුරු ගිනි අවුලවන අතර එමගින් බතක්‌ මාළු පිනි දෙක තුනක්‌ විනාඩි ගණනකින් පිස ගත හැක.
මේ ලිප උඩුබද්දාව ප්‍රාදේශීය ලේකම් ආර්. ඒ. බී. පී. රූපසිංහ මහතා වෙත ඉදිරිපත්කොට විදාතා මධ්‍යස්‌ථානයට යවා ඇති අතර ඒ හරහා මෙයට වෙළෙඳ බලපත්‍රයක්‌ ලබාගෙන වෙළෙඳපළට ඉදිරිපත් කිරීමට ගුණතිලක මහතා කැමැත්තෙන් සිටී. මේ පිළිබඳ වැඩි විස්‌තර ඩී. ඒ. ගුණතිලක තුංතොට, දුම්මලසූරිය, ලිපිනයෙන් ලබාගත හැකිය.
