පසුගියදා රහස් පොලිසියට ලැබුණු පැමිණිල්ලක් මත ශ්‍රිලංකාවේ පළමුවතාවට සයිබර් හැකර් වරයෙකු අත්අඩංගුවට ගැනීමට හැකිවුනා.ජාවා තාක්ෂණික ආයතනයේ (IJTS ) පරිගණක පද්ධතියට ඇතුළු වී එහි දත්ත සොරාගැනීමක් පිලිබඳ ජාවා තාක්ෂණික ආයතනයේ සභාපතිවරයා වන ක්‍රිශාන්ත සිරිබද්දන මහතා විසින් රහස් පොලිසයට පැමිණිල්ලක් සිදුකොට ඇත.ඒ අනුව දිගින් දිගටම අන්තර්ජාලය ඔස්සේ පරීක්ෂණ මෙහෙයවූ රහස් පොලිසිය විසින් එම දත්ත සොරකම් කල මොරටුව විශ්ව විද්‍යාලයේ සිසුවෙකු අත්අඩංගුවට ගැනීමට සමත්වුනා.
ඔහු විසින් මෙම සොරකම් කල දත්ත ලබාදී තිබුනේ මාලබේ තොරතුරු තාක්ෂණික ආයතනයේ (SLIIT ) සිසුවෙකු වන වෙතය.ඒ අනුව ඔහුද පොලිස් අත්අඩංගුවට පත්විය. විශේෂත්වය වන්නේ මොවුන් දෙදෙනාම ජාවා තාක්ෂණික ආයතනයේහි පැරණි සිසුන් වීමයි. මොවුන් දෙදෙනා කොළොඹ මහේස්ත්‍රාත් අධිකරණයට ඉදිරිපත් කල අතර රුපියල් මිලියනයක් බැගින් වූ ශරීර ඇප මත මුදාහරින ලදී.ඔවුන් පිලිබඳ නඩු විභාගය ලබන වසරේ පෙබරවාරි මස කැඳවීමට නියමිතයි.
