ඇත් දළ හොර ජාවරම සඳහා දඬයම් මඟින් ඇතුන් ඝාතනය වීම වැළැක්වීමේ පියවරක් ලෙස මෙසේ මෙම ඇත් දළ තොගය විනාශ කළ බව සඳහන් වේ.
පසුගිය මාස 12 තුළ දී අත්අඩංගුවට ගනු ලැබූ ගජමුතු අඩංගු ඇත් දළ 335 ක් සහ විවිධ වූ සුළු නිෂ්පාදනයන් 41,000 ක් මෙසේ ගොඩ ගසා ගිනි තැබූ බව එම වාර්තා වල සඳහන් වේ.
“නීත්‍යානූකූළ නොවන ඇත් දළ අළෙවි ජාවාරම නැවැත්වීම සඳහා අපට ඇති උනන්දුව අපි ලෝකයාට මෙමඟින් පෙන්වූවෙමු.” යැයි මෙම අත් දළ තොගයට ගිනිතැබීමට හේතු පහදමින් කෙන්යානු ජනාධිපති ම්වායි කිබිකී (Mwai Kibaki) ස්වදේශීය මාධ්‍ය වෙත පවසා ඇත. මෙම අවස්ථාවට දකුණු කෙන්යාවේ ලැව්ගිනි නිවීමේ පුහණු කිරීමේ පහසුකම් සපයන පිරිස්ද සහභාගී වී ඇත.
කෙන්යාව විසින් මීට පෙර වර්ෂ 1989 දී ද, අප්‍රිකානු අලි ඇතුන් සංරක්‍ෂණය කිරීමේ ‘හොර බඩු ජාවාරම නතර කිරීම සහ අප්‍රිකනු අලි ඇතුන් සංරක්‍ෂණය’ කිරීමේ වාර්ෂික සංවත්සරයක දී විශාල ඇත් දළ ප්‍රමාණයක් ගිනි තබා තිබිනි.
කෙසේ හෝ මෙම අප්‍රිකානු අළි ඇතුන් සංරක්‍ෂණ ව්‍යාපෘතිය යටතේ සාර්ථක ප්‍රතිපඵ අත්කරගෙන ඇතැයි පරිසරවේදීන් පෙන්වා දේ. එහෙත් චීනයේ ආර්ථික දියුණුවත් සමඟ ඇත් දළ ඉල්ලුම ඉහළ ගොස් ඇති බැවින් අප්‍රිකානු ඇතුන් සඳහා නැවතත් නරක කාලයක් උදාවීය හැකි බව සඳහන් වේ.
මෙහි දී, මෙසේ ගිනි තබා විනාශ කළ ඇත් දළ ප්‍රමාණයට මෙම වසරේදී සිංගප්පූරුවේදී අත් අඩංගුවට ගනු ලැබූ ඇත් දළ තොගයක් ද වූ බව චීන ෂීන්හුවා සඳහන් කර සිටියි.
මෙසේ මෙම ඇත් දළ තොගය සහ අනෙකුත් භාණ්ඩ ගිනි තබා ඇත්තේ කෙන්යානු බටහිර ටීසාවෝ ජාතික උද්‍යානයේ (Tsavo West National Park) දී බව විදෙස් වාර්තා වල සඳහන් වේ.
