පොලිස් කොස්තාපල්වරයාගේ නෙත ඒ දෙසට යොමු වූයේ ඉබේටමය. ඒ මිනිස් රුව කොස්තාපල්වරියට පෙනෙන සේ අශෝභන ක්‍රියාවක නිරත වී ඇත.
ඇයට උන්හිටි තැන් අමතක විය. මේ දිනවල සතරදිග් භාගෙන් ඇසෙන ගී‍්‍රස් යකුන් සිහියට නැඟිණි. ඒ මොහොතේම දොරටුවෙන් ඇතුළු වීමට ආ පොලිස් නිලධාරියකුට ඇය ඒ ගී‍්‍රස් යකා පෙන්වා ඔහුගේ අශෝභන ක්‍රියාව ද ඇය වහා සැලකර සිටියාය. පොලිස් නිලධාරියා ගී‍්‍රස් යකා ලුහුබැන්දේය. ගී‍්‍රස් යකා යතුරුපැදියක නැඟී ඊයක වේගයෙන් පලා ගියේය.
යතුරුපැදියේ අංකය ඔස්සේ සොයා බැලූ විට ගී‍්‍රස් යකා තනි තරුවක් පළඳින පොලිසියේම ක්‍රිඩකයෙක්ලු. කොස්තාපල්වරිය ඒ බව තම ප්‍රධානියාට පැමිණිලි කළත් නීතිය ක්‍රියාත්මක කරනවාට පිරිමි පාර්ශ්වය හා කාන්තා පාර්ශ්වය අතර කඹ ඇදිල්ලක් පවතින බව අභ්‍යන්තර ආරංචි මාර්ග සඳහන් කරයි.
